ന്യൂഡൽഹി: മദ്യനയ അഴിമതിക്കേസുമായി ബന്ധപ്പെട്ട് ബിആർഎസ് നേതാവ് കെ.കവിതയെ അറസ്റ്റ് ചെയ്ത് സിബിഐ. ജുഡീഷ്യൽ കസ്റ്റഡിയിലുള്ള കവിതയെ കഴിഞ്ഞ ശനിയാഴ്ച ജയിലിനുള്ളിൽവെച്ച് സിബിഐ ചോദ്യം ചെയ്തിരുന്നു. ഇതിനു പിന്നാലെയാണ് വ്യാഴ്യാഴ്ച അറസ്റ്റ് രേഖപ്പെടുത്തിയത്.
മാർച്ച് 15 നാണ് കവിതയെ ഇഡി അറസ്റ്റ് ചെയ്യുന്നത്. ഡൽഹി മദ്യനയത്തിന്‍റെ പ്രയോജനം ലഭിക്കാൻ ഡൽഹി മുഖ മന്ത്രി അരവിന്ദ് കെജ്‌രിവാളും എഎപി നേതാവ് മനീഷ് സിസോദിയയുമായും കവിത ഗൂഢാലോചന നടത്തിയെന്നും പകരമായി നേതാക്കൾക്കു 100 കോടി കൈമാറിയെന്നും ഇഡി വെളുപ്പെടുത്തിയിരുന്നു.
കേസിൽ കൂട്ടുപ്രതിയായ ബുചി ബാബുവിന്‍റെ ഫോണിൽനിന്ന് കണ്ടെടുത്ത ചാറ്റിന്‍റെ അടിസ്ഥാനത്തിലാണ് കവിതയെ സിബിഐ ചോദ്യം ചെയ്തത്. അതേസമ‍യം, കേന്ദ്ര ഏജൻസികൾ തന്‍റെ വ്യക്തപരവും രാഷ്ട്രീയപരവുമായ ജീവിതം താറുമാറാക്കാനാണ് ശ്രമിക്കുന്നതെന്ന് കവിത കോടതിയിൽ വ്യക്തമാക്കി. വക്കീൽ മുഖേനയാണ് കവിത കോടതിക്ക് തുറന്ന കത്ത് നൽകിയത്.
