'എസ്ഐആർ ഭരണഘടന തത്വങ്ങൾക്കെതിരാണ്'; തെരഞ്ഞെടുപ്പ് കമ്മിഷന് എം.എ. ബേബിയുടെ കത്ത്

ന‍്യൂഡൽഹി: തെരഞ്ഞെടുപ്പ് കമ്മിഷന് കത്തയച്ച് സിപിഎം ജനറൽ സെക്രട്ടറി എം.എ. ബേബി. എസ്ഐആറിൽ നിന്നും പിന്മാറണമെന്നാണ് കത്തിലെ ആവശ‍്യം. ഭരണഘടന തത്വങ്ങൾക്കെതിരാണ് എസ്ഐആർ എന്നും വോട്ടർമാരെ ഏകപക്ഷീയമായി ഒഴിവാക്കുന്നുവെന്നും അദ്ദേഹം ആരോപിച്ചു.

സമയപരിധി അപ്രയോഗികമാണെന്നും നടപടി ക്രമങ്ങൾ ബിഎൽഒമാർക്ക് സമ്മർദമുണ്ടാക്കുന്നതാണെന്നുമാണ് എം.എ. ബേബി അയച്ച കത്തിൽ പറയുന്നത്. രാഷ്ട്രീയ പാർട്ടികളെ തെരഞ്ഞെടുപ്പ് കമ്മിഷൻ വിശ്വാസത്തിലെടുത്തിലെന്നും വിമർശനമുണ്ട്.