പത്തനംതിട്ട: കുവൈറ്റിൽ മലയാളി ദമ്പതികളെ മരിച്ച നിലയിൽ കണ്ടെത്തി. പൂങ്കാവ് പുത്തേത്ത് സൈജു സൈമൺ ഭാര്യ ജീന എന്നിവരാണ് മരിച്ചത്. സൈജുവിനെ കെട്ടിടത്തിൽ നിന്നും വീണ് മരിച്ച നിലയിലും ഭാര്യയെ വീടിനുള്ളിൽ മരിച്ച നിലയിലുമാണ് കണ്ടത്തിയത്.
ജീന കുത്തേറ്റ് മരിച്ച നിലയിലായിരുന്നു. ജീനയെ കൊന്ന ശേഷം ഭർത്താവ് സൈജു ആത്മഹത്യ ചെയ്തതാവാമെന്നാണ് പൊലീസിന്‍റെ നിഗമനം.
ഒരു വർഷം മുൻപാണ് ഇവർ വിവാഹിതരായത്. ഇരുവരുടെയും പുനർവിവാഹമായിരുന്നു. ആരോഗ്യ വകുപ്പിൽ ആംബുലൻസ് ഡ്രൈവറായിരുന്നു സൈജു. സാൽമിയ ഇന്ത്യൻ മോഡൽ സ്ക്കൂളിലെ ഐടി ജീവനക്കാരിയാണ് ജീന.
