വിദ്യാർഥികൾക്കെതിരായ പൊലീസ് ആക്രമണത്തിൽ സ്വമേധയാ കേസെടുത്ത് മനുഷ്യാവകാശ കമ്മിഷൻ; പൊലീസ് കമ്മിഷ്ണറോട് റിപ്പോർട്ട് തേടി
ന്യൂഡൽഹി: ഡൽഹി ജന്തർമന്തറിൽ നടന്ന സമരത്തിനിടെ വിദ്യാർഥികൾക്ക് നേരെ ഉണ്ടായ പൊലീസ് ആക്രമണത്തിൽ സ്വനേധയാ കേസെടുത്ത് മനുഷ്യാവകാശ കമ്മിഷൻ. ആരോപണങ്ങൾ ശരിയാണെങ്കിൽ മനുഷ്യാവകാശ ലംഘനമാണ് നടന്നതെന്നും രണ്ടാഴ്ചയ്ക്കുള്ളിൽ ഡൽഹി പൊലീസ് കമ്മിഷണർ റിപ്പോർട്ട് സമർപ്പിക്കണമെന്നുമാണ് നിർദേശം.
വിദ്യാർഥികൾക്കെതിരായ ലാത്തിച്ചാർജിനെതിരായ ഹർജി സുപ്രീം കോടതിയുടെ പരിഗണനയിലാണ്. സമാധാനപരമായ പ്രതിഷേധത്തിന് വിദ്യാർഥികൾക്ക് അവകാശമുണ്ടെന്നും അവർക്കെതിരേ ലാത്തി വീശാൻ പൊലീസിനാരാണ് അനുമതി നൽകിയതെന്നും കോടതി ചോദിച്ചിരുന്നു.
