മുംബൈ: അഹമ്മദാബാദ് ദേശീയ പാത ഡാപ്ച്ചേരി ആർടിഒ ചെക്ക് പോസ്റ്റിന് സമീപം ഗുജറാത്ത് ലെയ്നിൽ പോയ ടാങ്കർ മറിഞ്ഞ് ചോർച്ച. എണ്ണ ചോർച്ച ഒരു കിലോമീറ്റർ ദൂരത്തേക്ക് പടർന്നത് വലിയ ഗതാഗതക്കുരുക്കിന് കാരണമായി. അപകടത്തിൽ ആർക്കും പരിക്കുകളില്ല.
ട്രാഫിക് പൊലീസും ചെക്ക് പോസ്റ്റ് ജീവനക്കാരും ഫയർ ഫോഴ്സും സ്ഥലത്തെത്തിയതായും റോഡിൽ എണ്ണ വീണ ഭാഗത്ത് മണൽ കൊണ്ട് മൂടിയതായിയും ഉദ്യോഗസ്ഥർ അറിയിച്ചു. നീണ്ട 2 മണിക്കൂർ നേരത്തെ പരിശ്രമത്തിന് ശേഷമാണ് ഹൈവേയിൽ ഗതാഗതം പുനഃസ്ഥാപിച്ചത്.
