ന്യൂഡൽഹി: അടുത്ത വർഷത്തെ പദ്മ പുരസ്കാരങ്ങൾക്കുള്ള നാമനിർദേശങ്ങളും ശുപാർശകളും സെപ്റ്റംബർ 15 വരെ സ്വീകരിക്കും. രാഷ്ട്രീയ പുരസ്കാർ പോർട്ടൽ (https://awards.gov.in ) വഴിയാണ് നാമനിർദേശങ്ങൾ സ്വീകരിക്കുന്നത്. 2024ലെ പദ്മ വിഭൂഷൺ, പദ്മ ഭൂഷൺ, പദ്മ ശ്രീ പുരസ്കാരങ്ങൾക്കാണ് കേന്ദ്രം അപേക്ഷ ക്ഷണിച്ചിരിക്കുന്നത്.
എല്ലാ പൗരന്മാർക്കും നാമനിർദേശങ്ങളും ശുപാർശകളും സമർപ്പിക്കാം. സ്വയം നാമനിർദേശം ചെയ്യാനും സാധിക്കും. പോർട്ടലിൽ നൽകിയ പ്രകാരമുള്ള മാതൃകയിൽ എല്ലാ വിശഗദാംശങ്ങളോടും കൂടിയായിരിക്കണം ശുപാർശകൾ സമർപ്പിക്കേണ്ടത്.
