ശ്രീനഗർ: രാജ്യത്തെ നടുക്കിയ പുൽവാമ ഭീകരാക്രമണക്കേസിലെ പ്രതി വിചാരണത്തടവിൽ ഹൃദയാഘാതത്തെത്തുടർന്നു മരിച്ചു. കാകപോരയിലെ ഹജിബാൽ സ്വദേശി ബിലാൽ അഹമ്മദ് കുച്ചി (32)ആണ് ജമ്മു ഗവൺമെന്റ് മെഡിക്കൽ കോളെജ് ആശുപത്രിയിൽ തിങ്കളാഴ്ച മരണമടഞ്ഞത്.
5 വർഷമായി ജയിലിലായിരുന്നു ഇയാൾ. പുൽവാമ ആക്രമണക്കേസിൽ പ്രതിചേർക്കപ്പെട്ട 19 പേരിൽ ഇയാളുമുണ്ട്. 2019 ഫെബ്രുവരി 14നായിരുന്നു പുൽവാമയിൽ കേന്ദ്ര സേനയുടെ വാഹനവ്യൂഹത്തിലേക്ക് സ്ഫോടക വസ്തുക്കൾ നിറച്ച കാറിടിച്ചുകയറ്റിയത്. 40 ജവാന്മാരാണ് വീരമൃത്യു വരിച്ചത്.
