തേജസ്വി യാദവ്, റാബ്രി ദേവി
പട്ന: ജെഡിയു- ബിജെപി സഖ്യം ആർജെഡി നേതാവായ തേജസ്വി യാദവിനെ ബിഹാർ തെരഞ്ഞെടുപ്പിനു മുന്നോടിയായി കൊല്ലാൻ ഗൂഢാലോചന നടത്തിയെന്ന് മുൻ മുഖ്യമന്ത്രി റാബ്രി ദേവി. രണ്ടോ മൂന്നോ തവണ മുൻപ് തേജസ്വിയെ കൊല്ലാൻ ശ്രമം നടന്നതായും റാബ്രി ദേവി പറഞ്ഞു.
ഒരു ദേശീയ മാധ്യമത്തിനു നൽകിയ അഭിമുഖത്തിലാണ് റാബ്രി ദേവി ഇക്കാര്യം പറഞ്ഞത്. തേജസ്വിക്കെതിരേ ചില ഭരണകക്ഷി എംഎൽഎമാർ നിയമസഭയിൽ കഴിഞ്ഞ ദിവസം രംഗത്തെത്തിയിരുന്നു. ഇതിനു മറുപടി പറയവേയാണ് റാബ്രി ദേവി പ്രതികരിച്ചത്.
