എസ്. ജയശങ്കർ
ന്യൂഡൽഹി: പശ്ചിമേഷ്യയിൽ സംഘർഷം അതി രൂക്ഷമായി തുടരുന്ന പശ്ചാത്തലത്തിൽ ഇറാൻ വിദേശകാര്യമന്ത്രിയായ അബ്ബാസ് അരാക്ചിയുമായി ഇന്ത്യയുടെ വിദേശകാര്യ മന്ത്രി എസ്. ജയശങ്കർ ഫോണിൽ ബന്ധപ്പെട്ടു. സംസാരിച്ച കാര്യം ജയശങ്കർ എക്സിലൂടെയാണ് അറിയിച്ചത്.
എന്നാൽ ഇരുവരും തമ്മിൽ എന്താണ് സംസാരിച്ചതെന്ന കാര്യത്തിൽ വ്യക്തതയില്ല. വ്യാഴാഴ്ച ഉച്ചയോടെ ഇറാന്റെ പരമോന്നത നേതാവായ ആയത്തുള്ള അലി ഖമനേയിയയുടെ മരണത്തിൽ സർക്കാരിനു വേണ്ടി വിദേശകാര്യ സെക്രട്ടറി വിക്രം മിസ്രി ഡൽഹിയിലെ ഇറാൻ എംബസി സന്ദർശിച്ച് അനുശോചനം രേഖപ്പെടുത്തിയിരുന്നു.
