ചെന്നൈ: ലൈംഗിക പീഡന കേസുകളിൽ പ്രതിചേർക്കപ്പെട്ട സ്കൂൾ അധ്യാപകരേ വിദ്യാഭ്യാസ യോഗ്യതകൾ റദ്ദാക്കി പിരിച്ചുവിടാൻ തമിഴ്നാട് സർക്കാർ. ഇത് സംബന്ധിച്ച് 255 പേരുടെ പ്രഥമിക പട്ടിക തയാറായി.
അവര്ക്കെതിരായ കുറ്റങ്ങളുടെയും സ്വീകരിച്ച നടപടികളുടെയും വിശദാംശങ്ങള് ശേഖരിച്ചു. വ്യാഴാഴ്ച സ്കൂള് വിദ്യാഭ്യാസ വകുപ്പ് സെക്രട്ടറി ഇതു പരിശോധിച്ച ശേഷമാവും നടപടിയെന്ന് വിദ്യാഭ്യാസ വകുപ്പ് അറിയിച്ചു.
പീഡനക്കേസുകളില് ഉള്പ്പെട്ട അധ്യാപകരുടെ യോഗ്യത റദ്ദാക്കാന് വിദ്യാഭ്യാസ മന്ത്രി അന്ബില് മഹേഷ് പൊയ്യാമൊഴി ഉത്തരവിട്ടതിനു പിന്നാലെയാണ് നടപടി. പത്തു വര്ഷത്തിനിടെ ലൈംഗിക പീഡനക്കേസുകളില് ഉള്പ്പെട്ട സര്ക്കാര്, എയ്ഡഡ് സ്കൂളുകളിലെ അധ്യാപകരെ കണ്ടെത്തുന്നതിനുള്ള നടപടികൾ ഇപ്പോഴും തുടരുകയാണ്. കൃഷ്ണഗിരിയില് അടുത്തിടെ 3 അധ്യാപകര് എട്ടാം ക്ലാസ് വിദ്യാര്ഥിനിയെ പീഡിപ്പിച്ച് ഗര്ഭിണിയാക്കിയ സംഭവം ഏറെ കോളിളക്കമുണ്ടാക്കി. സംസ്ഥാനത്തെ പലയിടങ്ങളിൽ നിന്നും ഇത്തരത്തിലുള്ള കേസുകൾ റിപ്പോർട്ടു ചെയ്യുന്ന സാഹചര്യത്തിലാണ് നടപടിയുമായി സർക്കാർ രംഗത്തെത്തിയിരുന്നത്.
