കോൽക്കത്തയിൽ ഭൂചലനം; 5.4 തീവ്രത രേഖപ്പെടുത്തി

കോൽക്കത്ത: കോൽക്കത്തയിൽ ഭൂചലനം. വെള്ളിയാഴ്ച ഉച്ചയ്ക്ക് ശേഷമാണ് റിക്റ്റർ സ്കെയിലിൽ 5.4 തീവ്രത രേഖപ്പെടുത്തിയ ഭൂചലനമുണ്ടായത്. കോൽക്കത്ത നഗരത്തിലും സമീപ പ്രദേശങ്ങളിലും പ്രകമ്പനം അനുഭവപ്പെട്ടു.

പരിഭ്രാന്തരായ ജനം കെട്ടിടങ്ങളിൽ നിന്ന് പുറത്തേക്കോടി. ബംഗ്ലാദേശിലാണ് ഭൂചലനത്തിന്‍റെ പ്രഭവ കേന്ദ്രമെന്നാണ് സൂചന. ആളപായം റിപ്പോർട്ടു ചെയ്തിട്ടില്ല.