പി. ഭാരതിരാജ
ചെന്നൈ: പ്രശസ്ത തമിഴ് ചലച്ചിത്ര സംവിധായകന് പി. ഭാരതിരാജ അന്തരിച്ചു. വാര്ധക്യ സഹജമായ അസുഖങ്ങളെ തുടര്ന്ന് ചികിത്സയിലിരിക്കെയാണ് ചെന്നൈയിലായിരുന്നു അന്ത്യം. 84 വയസായിരുന്നു.
തമിഴ് ചലച്ചിത്ര ലോകത്തെ പച്ചയായ ഗ്രാമങ്ങളിലേക്ക് പറിച്ചുനട്ട വിപ്ലവകാരിയായ സംവിധായകനായിരുന്നു ഭാരതിരാജ. സൂപ്പര് ഹിറ്റ് സിനിമകളുടെ പരമ്പര ഒരുക്കിയ സംവിധായകനായ ഭാരതിരാജ മികച്ചൊരു നടന് കൂടിയാണ്. 2004 ൽ പത്മശ്രീ പുരസ്കാരം ലഭിച്ചിട്ടുണ്ട്. ആദ്യ സിനിമയില് തന്നെ മികച്ച സംവിധായകനുള്ള സംസ്ഥാന പുരസ്കാരം ഭാരതിരാജ സ്വന്തമാക്കി. ഇരുപത്തിയൊന്നോളം ചിത്രങ്ങളില് അദ്ദേഹം അഭിനയിച്ചു. ആറ് തവണ ദേശീയ പുരസ്കാരങ്ങള് ലഭിച്ചിട്ടുണ്ട്.
കിഴക്കേ പോകും റെയില്, സിഗപ്പ് റോജാക്കള്, പുതിയ വാര്പ്പുകള്, നിറം മാറാത്ത പൂക്കള്, റെഡ് റോസ്, നിഴല്ഗള്, അലൈകള് ഒയ്വതല്ലൈ, ടിക് ടിക് ടിക്, കാതല് ഓവിയം, വാലിബമേ വാ വാ, മന് വാസനൈ, പുതുമൈ പെണ്ണ്, കിഴക്ക് ചീമയിലെ തുടങ്ങി നിരവധി ചിത്രങ്ങള് അദ്ദേഹം സംവിധാനം ചെയ്തു.
