ഡൽഹിയിൽ ടാക്സി ഡ്രൈവർക്ക് വെടിയേറ്റു; 2 പേർ അറസ്റ്റിൽ
ന്യൂഡൽഹി: ഡൽഹി ബദർപൂറിൽ ഞായറാഴ്ച രാവിലെ 24 കാരനായ ടാക്സി ഡ്രൈവർക്ക് വെടിയേറ്റു. തലയ്ക്കാണ് വെടിയേറ്റത്. സംഭവത്തിൽ 2 പേരെ ഡൽഹി പൊലീസ് അറസ്റ്റു ചെയ്തിട്ടുണ്ട്.
തലയ്ക്ക് വെടിയേറ്റ യുവാവിന്‍റെ നില ഗുരുതരമായി തുടരുന്നുവെന്ന് പൊലീസ് അറിയിച്ചു. ഹരിയാനയിലെ ഗുരുഗ്രാം സ്വദേശിയായ ഗൗതം സൈനിയാണ് വെടിയേറ്റത്. ഞായറാഴ്ച രാവിലെ 6 മണിയോടെയായിരുന്നു സംഭവം.
വെടിവയ്പ്പിന്‍റെ കാരണം വ്യക്തമല്ല. വിശദമായ അന്വേഷണം നടക്കുന്നതായി പൊലീസ് അറിയിച്ചു. കേസിൽ അറസ്റ്റിലായവരെ സംബന്ധിച്ച് വിവരങ്ങൾ പൊലീസ് പുറത്തു വിട്ടിട്ടില്ല. സംഭവത്തിൽ സിസിടിവി ദൃശ്യങ്ങളടക്കം പൊലീസ് പരിശോധിച്ച് വരികയാണ്.
