ഗുണ: മധ്യപ്രദേശിലെ ഗുണയിൽ പരിശീലന വിമാനം തകർന്ന് പൈലറ്റിന് പരുക്ക്. ബുധനാഴ്ച വൈകിട്ടാണ് അപകടമുണ്ടായത്. സാങ്കേതികത്തകരാറാണ് അപകടത്തിനു കാരണം. പരിശീലനത്തിനായി സ്ഥിരം ഉപയോഗിക്കുന്ന സാഗർ- നീമുച്ച് ആകാശ പാതയിലൂടെ സഞ്ചരിക്കുന്നതിനിടെയാണ് സാങ്കേതിക പ്രശ്നം നേരിട്ടത്.
സംഭവ സമയത്ത് കൈംസ് ഏവിയേഷൻ അക്കാദമിയിൽ നിന്നുള്ള വനിതാ പൈലറ്റാണ് വിമാനത്തിലുണ്ടായിരുന്നത്. അടിയന്തരമായി ലാൻഡ് ചെയ്യാൻ ശ്രമിച്ചെങ്കിലും റൺവേയിൽ നിന്ന് വിമാനം തെന്നിമാറി അടുത്തുള്ള കുറ്റിക്കാട്ടിലേക്ക് ഇടിച്ചു കയറി. പരുക്കേറ്റ പൈലറ്റിലെ ഗുണയിലെ ആശുപത്രിയിൽ പ്രവേശിപ്പിച്ചു.