ന്യൂഡൽഹി: നവരാത്രി ആഘോഷങ്ങളുടെ ഭാഗമായി ആരാധനാലയങ്ങൾക്ക് 500 മീറ്റർ ചുറ്റളവിലുള്ള മാംസ വിൽപ്പന നിരോധിച്ച് യുപി സർക്കാർ. അനധികൃതമായി പ്രവർത്തിക്കുന്ന അറവുശാലകൾ പൂട്ടാനും ഉത്തരവിൽ പറയുന്നു.
ഏപ്രിൽ 6 ന് രാമനവമി ദിവസം സംസ്ഥാനത്തൊട്ടാകെ മത്സ്യ-മാംസ വിൽപ്പന സർക്കാർ നിരോധിച്ചിട്ടുണ്ട്. നിയമം പാലിക്കാത്തവർക്കെതിരേ കർശന നടപടി ഉണ്ടാവുമെന്നും മുന്നറിയിപ്പ് നൽകുന്നു.
നിയമം കൃത്യമായി നടപ്പാക്കാനായി ജില്ലാ മജിസ്ട്രേറ്റുമാർക്കും പൊലീസ് കമ്മിഷണർക്കും മുനിസിപ്പൽ കമ്മിഷണർക്കും സർക്കാർ നിർദേശം നൽകിയിട്ടുണ്ട്.
