ഉത്തർപ്രദേശിലെ സ്കൂളുകൾക്ക് ക്രിസ്മസിന് അവധിയില്ല
ലഖ്നൗ: ഉത്തർപ്രദേശിൽ സ്കൂളുകൾക്ക് ക്രിസ്മസ് ദിനം അവധിയില്ല. സ്കൂളുകൾക്ക് പ്രവൃത്തിദിനമായിരിക്കുമെന്ന് സർക്കാർ അറിയിച്ചു. മുൻ പ്രധാനമന്ത്രി അടൽ ബിഹാരി വാജ്പേയിയുടെ ജന്മശതാബ്ദി ആഘോഷം നടത്താനാണ് ആഹ്വാനം. ഈ ദിവസങ്ങളിൽ ഹാജർ നിർബന്ധമാക്കി.
രാജ്യത്തെ വിവിധ സംസ്ഥാനങ്ങളിൽ ക്രിസ്മസ് പ്രമാണിച്ച് സ്കൂളുകൾക്ക് അവധി പ്രഖ്യാപിച്ചിട്ടുണ്ട്.
കേരളത്തിന് 10 ദിവസമാണ് അവധി. കേരളത്തിന് പുറമെ ഡൽഹി, പഞ്ചാബ്, രാജസ്ഥാൻ, ഹരിയാന, തെലങ്കാന അടക്കമുള്ള സംസ്ഥാനങ്ങളിലും ക്രിസ്മസ് അവധി പ്രഖ്യാപിച്ചിട്ടുണ്ട്.
