തെരഞ്ഞെടുപ്പ് പെരുമാറ്റ ചട്ട ലംഘനം; വിജയ്‌ക്കെതിരേ കേസ്

ചെന്നൈ: ടിവികെ അധ്യക്ഷൻ വിജയ്ക്കെതിരേ തെരഞ്ഞെടുപ്പ് പെരുമാറ്റ ചട്ട ലംഘനത്തിന് കേസ്. 5 വകുപ്പുകൾ ചുമത്തിചെന്നൈ പൊലീസ് കേസ് രജിസ്റ്റർ ചെയ്തത്. സ്റ്റാലിന്‍റെ മണ്ഡലമായ കൊളത്തൂരിലെ പ്രചാരണത്തിന്‍റെ പേരിലാണ് കേസെടുത്തിരിക്കുന്നത്.

പെരമ്പൂരിൽ നിന്നും കൊളത്തൂരിലേക്ക് പോകുന്ന വഴിക്കിടയിൽ റോഡ് ഷോയിൽ ഗുരുതരമായ തെരഞ്ഞെടുപ്പ് ചട്ടലംഘനം ഉണ്ടായെന്ന് ചൂണ്ടിക്കാട്ടിയാണ് നടപടി. തെരഞ്ഞെടുപ്പ് കമ്മീഷൻ ഉദ്യോഗസ്ഥരുടെ പരാതിയിലാണ് കേസെന്നാണ് പ്രാഥമിക വിവരം.