കൃഷി തപന്ദ
ബെംഗളൂരു: കന്നഡ നടി കൃഷി തപന്ദയുടെ ഫ്ലാറ്റിൽ യുവാവിനെ തൂങ്ങിമരിച്ച നിലയില് കണ്ടെത്തി. ബെംഗളൂരുവിലെ ആര്ആര് നഗറിലുള്ള ആഡംബര ഫ്ലാറ്റിലാണ് സംഭവം.
വൈശാഖ് (33) എന്നയാളാണ് മരിച്ചത്. ഫ്ലാറ്റിൽ നടി ഇല്ലാതിരുന്ന സമയത്ത് എത്തിയ ഇയാള് സീലിങ് ഫാനില് തൂങ്ങിമരിക്കുകയായിരുന്നു. വിവരമറിഞ്ഞ് പൊലീസ് സ്ഥലത്തെത്തി മൃതദേഹം പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റി.
വിവാഹിതനായ വൈശാഖ് ഭാര്യമായുള്ള വഴക്കിനെ തുടര്ന്ന് മുന്പ് കൃഷി തപന്ദയുടെ ഫ്ലാറ്റിൽ താമസിച്ചിരുന്നു. സംഭവത്തില് നടി ഇതുവരെ പ്രതികരിച്ചിട്ടില്ല. കേസെടുത്ത പൊലീസ് വിശദമായ അന്വേഷണം ആരംഭിച്ചു.
