ദുബായ്: യുഎഇ ആസ്ഥാനമായി പ്രവർത്തിക്കുന്ന ടോസ്റ്റ് മാസ്റ്റേഴ്സ് ഇന്‍റർനാഷണൽ ഡിസ്ട്രിക്റ്റ് 127നെ ലോകത്തിലെ ഒന്നാം നമ്പർ ഡിസ്ട്രിക്റ്റായി പ്രഖ്യാപിച്ചു. കാലിഫോർണിയയിൽ നടന്ന ടോസ്റ്റ് മാസ്റ്റേഴ്സ് ഇന്‍റർനാഷണലിന്‍റെ 100-ാം വാർഷിക കൺവെൻഷനിലാണ് പ്രഖ്യാപനം നടന്നത്.
ദുബായിലെ സംരംഭകനും അക്കാദമീഷ്യനുമായ സുജിത് സുകുമാരൻ 2024–2026 കാലയളവിലേക്കുള്ള ടോസ്റ്റ് മാസ്റ്റേഴ്സ് ഇന്‍റർനാഷണൽ ബോർഡ് ഓഫ് ഡയറക്‌ടേഴ്‌സിലേക്ക് തെരഞ്ഞെടുക്കപ്പെട്ടു.
ലോകത്തെ ഒന്നാം നമ്പർ ഡിസ്ട്രിക്റ്റായി തെരഞ്ഞെടുക്കപ്പെട്ടതിൽ അഭിമാനമുണ്ടെന്ന് ദുബായിലെ ടോസ്റ്റ് മാസ്റ്റേഴ്സ് ഡിസ്ട്രിക്റ്റ് 127ന്‍റെ ഡയറക്ടർ ഡോ. അബ്ദുൽ സത്താർ പറഞ്ഞു.
