മാൾ ഓഫ് എമറേറ്റ്സിന് സമീപമുണ്ടായ തീപിടിത്തത്തിൽ അന്വേഷണം ആരംഭിച്ചു
ദുബായ്: അൽ ബർഷയിൽ മാൾ ഓഫ് ദി എമിറേറ്റ്സിന് സമീപമുണ്ടായ തീപിടിത്തത്തെക്കുറിച്ച് അന്വേഷണം തുടങ്ങി. പ്രദേശത്തെ ഉയരംകൂടിയ കെട്ടിടത്തിലാണ് ചൊവ്വാഴ്ച ഉച്ചയ്ക്ക് രണ്ടുമണിയോടെ തീപിടിത്തമുണ്ടായത്.
അഗ്നിശമന സേനാംഗങ്ങൾ തീ നിയന്ത്രണവിധേയമാക്കിയതിനാൽ ആളപായമുണ്ടായിട്ടില്ല. ഈ മേഖലയിലെ കെട്ടിടങ്ങളിൽ അടുത്തിടെയായി തീപിടിത്തങ്ങൾ കൂടുന്നത് ആശങ്ക ഉയർത്തുന്നുണ്ട്. കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല.
