ദുബായ്: ദുബായില്‍ ഹോട്ടലിലുണ്ടായ തീപിടിത്തത്തെ തുടര്‍ന്ന് പുക ശ്വസിച്ച് ശ്വാസംമുട്ടി 2 പേര്‍ മരിച്ചു. ദുബായിലെ നായിഫിലെ ഒരു ഹോട്ടലിലാണ് തീപിടിത്തമുണ്ടായത്. ദുബായ് മീഡിയ ഓഫീസാണ് ഇക്കാര്യം അറിയിച്ചത്.
ഉ‌‌ടൻ സ്ഥലത്തെത്തിയ ദുബായ് സിവിൽ ഡിഫൻസ് രക്ഷാപ്രവർത്തനം നടത്തി. ഹോട്ടലിലുണ്ടായിരുന്ന എല്ലാവരെയും സുരക്ഷിതമായി ഒഴിപ്പിച്ചു. അപകടത്തക്കുറിച്ചും മരിച്ചവരെക്കുറിച്ചും അധികൃതർ കൂടുതൽ വിവരങ്ങൾ വെളിപ്പെടുത്തിയിട്ടില്ല. ഒട്ടേറെ മലയാളികൾ താമസിക്കുന്ന വ്യാപാരകേന്ദ്രമാണ് നായിഫ്.
