ഒമാൻ ഒഴികെയുള്ള ഗൾഫ് രാജ്യങ്ങളിൽ‌ ഞായറാഴ്ച ചെറിയ പെരുന്നാൾ

റിയാദ്: ഒമാൻ ഒഴികെയുള്ള ഗൾഫ് രാജ്യങ്ങളിൽ‌ ഞായറാഴ്ച പെരുന്നാൾ. സൗദി ശവ്വാൽ മാസപ്പിറവി ദൃശ്യമായതോടെയാണ് റമദാൻ 29 പൂർത്തിയാക്കി വിശ്വാസികൾ ഞായറാഴ്ച പെരുന്നാൾ ആഘോഷിക്കുന്നത്. രാവിലെ 6.30 നാണ് മക്കയിൽ നമസ്ക്കാരം.

യുഎഇ, ഖത്തർ, കുവൈത്ത്​, ബഹ്​റൈൻ രാജ്യങ്ങളിലാണ് മാസപ്പിറവി സ്ഥിരീകരിച്ചത്. ഉമ്മുൽഖുറാ കലണ്ടർ പ്രകാരം ശനിയാഴ്‌ച റമദാൻ 29 പൂർത്തിയായതിനാൽ ശവ്വാൽ മാസപ്പിറവി നിരീക്ഷിക്കാൻ വിവിധ രാജ്യങ്ങളിലെ വിശ്വാസികളോട്​ ആഹ്വാനം ചെയ്തിരുന്നു.

എന്നാൽ ശവ്വാൽപ്പിറ കാണാത്തത്തതിനാൽ ഒമാനിൽ തിങ്കളാഴ്ചയാവും ചെറിയ പെരുന്നാൾ. ഇതോടെ ഒമാനിൽ റമദാൻ 30 ഉം പൂർത്തീകരിച്ചാവും പെരുന്നാളിനെ വരവേൽക്കുക.