ഷാർജ: ഇന്ത്യൻ അസോസിയേഷൻ ഷാർജ ഹെൽത്ത് കമ്മിറ്റിയും അജ്മാൻ യൂനിവേഴ്‌സിറ്റിയും സംയുക്തമായി സൗജന്യ ദന്ത പരിശോധനാ-ബോധവത്കരണ ക്യാമ്പ് നടത്തി. അസോസിയേഷൻ ട്രഷറർ ഷാജി ജോൺ ഉദ്ഘാടനം ചെയ്തു. ജോയിന്‍റ് ജനറൽ സെക്രട്ടറി ജിബി ബേബി പ്രസംഗിച്ചു.
ഹെൽത്ത് കമ്മിറ്റി കോഡിനേറ്റർ മുഹമ്മദ് അബൂബക്കർ സ്വാഗതവും കൺവീനർ പോൾ തോമസ് നന്ദിയും പറഞ്ഞു. അജ്മാൻ യൂനിവേഴ്‌സിറ്റിയിലെ ഡോ.വിജയ്, ഡോ.ഇർഷാദ് എന്നിവരുടെ നേതൃത്വത്തിൽ പത്തോളം ദന്ത ഡോക്ടർമാർ നടത്തിയ പരിശോധനയിലും ബോധവത്കരണത്തിലും സ്ത്രീകളും കുട്ടികളും ഉൾപ്പെടെ 200 ലേറെ പേർ പങ്കെടുത്തു.
