ജിഡിആർഎഫ്എ ഉദ്യോഗസ്ഥർ ദുബായ് അന്താരാഷ്ട്ര വിമാനത്താവളത്തിൽ.
ദുബായ്: ബലിപെരുന്നാൾ അവധിക്കാലത്തെ റെക്കോർഡ് തിരക്കിനിടയിലും ദുബായ് അന്താരാഷ്ട്ര വിമാനത്താവളം വഴിയുള്ള യാത്രാനടപടികൾ സുഗമമായി പുരോഗമിക്കുന്നു. ജിഡിആർഎഫ്എ ദുബായ് മേധാവി ലഫ്റ്റനന്റ് ജനറൽ മുഹമ്മദ് അൽ മർറിയുടെ നേതൃത്വത്തിലുള്ള ഉന്നത ഉദ്യോഗസ്ഥ സംഘം ടെർമിനൽ 1, 2, 3 എന്നിവടങ്ങളിൽ നേരിട്ടെത്തി പ്രവർത്തനങ്ങൾ വിലയിരുത്തി. ദുബായ് പൊലീസ് ഉദ്യോഗസ്ഥരും സംഘത്തിലുണ്ടായിരുന്നു.
അവധിദിനങ്ങളിലും വിമാനത്താവളത്തിൽ സേവനമനുഷ്ഠിക്കുന്ന പാസ്പോർട്ട് ഓഫിസർമാർക്കും മറ്റ് ഫീൽഡ് ടീമുകൾക്കും ലഫ്റ്റനന്റ് ജനറൽ മുഹമ്മദ് അൽ മർറി പെരുന്നാൾ ആശംസകൾ നേരുകയും അവരുടെ കഠിനാധ്വാനത്തെ അഭിനന്ദിക്കുകയും ചെയ്തു.
പെരുന്നാൾ അവധിക്ക് ദുബായിൽ എത്തുന്ന യാത്രക്കാരെ സ്വീകരിക്കുന്നതിനായി പാസ്പോർട്ടുകളിൽ 'ഈദ് ഇൻ ദുബായ്' എന്ന പ്രത്യേക പ്രമേയത്തിലുള്ള സ്റ്റാമ്പ് പതിക്കുന്ന പദ്ധതിക്കും തുടക്കം കുറിച്ചിട്ടുണ്ട്.
ഈദ് ഇൻ ദുബായ് സ്റ്റാമ്പ് പതിച്ച പാസ്പോർട്ട്.
