ട്രൂഷ്യൽ സ്റ്റേറ്റുകളുടെ പ്രോ കോൺസുൽ ജനറലായിരുന്ന മലയാളി അന്തരിച്ചു

ദുബായ്: യുഎഇ രാഷ്ട്ര പിറവിക്ക്​ മുൻപ്​ ട്രൂഷ്യൽ സ്റ്റേറ്റുകളുടെ പ്രോ കോൺസുൽ ജനറലായി സേവനമനുഷ്ഠിച്ച കണ്ണൂർ സ്വദേശി പി.പി. അബ്ദുല്ല കുഞ്ഞി (94)അന്തരിച്ചു. അജ്മാനിലെ മകളുടെ വീട്ടിൽ വ്യാഴാഴ്ച രാവിലെയായിരുന്നു മരണം.

1950കളിൽ സിംഗപ്പൂരിലാണ്​ അബ്ദുല്ല കുഞ്ഞിയുടെ നയതന്ത്ര ജീവിതം ആരംഭിച്ചത്. ബ്രിട്ടീഷ് എംബസിയിൽ അഞ്ച് പതിറ്റാണ്ടിലേറെ പ്രവർത്തിച്ചു. മൃതദേഹം ഖിസൈസ് ഖബർസ്ഥാനിൽ ഖബറടക്കി. യുഎഇയിൽ താമസിക്കുന്ന ബ്രിട്ടീഷ് പൗരന്മാരായ യാസർ, റഈസ്, അഫ്സൽ, ഷബീർ, ആയിഷ എന്നിവർ മക്കളാണ്.