മഞ്ചേരി സ്വദേശി റാസൽഖൈമയിൽ ഹൃദയാഘാതം മൂലം മരിച്ചു

റാസൽഖൈമ: മഞ്ചേരി പന്തലൂർ മുടിക്കോട് സ്വദേശി മുഹമ്മദ് അൻസാർ ഓളിക്കൽ (39) റാസൽഖൈമ സൈഫ് ആശുപത്രിയിൽ ഹൃദയാഘാതം മൂലം മരിച്ചു. കഴിഞ്ഞ 10 വർഷമായി റാസൽഖൈമയിലെ ഒരു സ്ഥാപനത്തിൽ ജോലി ചെയ്തു വരികയായിരുന്നു.

ഉണ്ണീൻ ഓളിക്കലിന്‍റെയും ആസ്യയുടെയും മകനാണ്. ഭാര്യ: ജംഷീറ. മകൻ: അജ്‌സൽ (5). സഹോദരങ്ങൾ: നൗഷാദ് (യുഎഇ), സഫ്‌വാൻ, ആഷിഖ്, മുനീറ, ഷാനിബ.

റാസൽഖൈമ കെഎംസിസി റെസ്ക്യൂ വിങ് കൺവീനറും റാക് എസ്കെഎസ്എസ്എഫ് സ്റ്റേറ്റ് ട്രഷററുമായ ഫൈസൽ പുറത്തൂരിന്‍റെ നേതൃത്വത്തിൽ നടപടിക്രമങ്ങൾ പൂർത്തിയാക്കി മൃതദേഹം നാട്ടിലിലേക്ക് കൊണ്ടുപോകും.