'ഇനി നെയ്മീൻ കഴിക്കണ്ട'; മീൻ പിടിത്തവും വിൽപ്പനയും നിരോധിച്ച് ഒമാൻ
മസ്കറ്റ്: കിങ് ഫിഷ് (നെയ് മീൻ) വിൽപ്പന നിരോധിച്ച് ഒമാൻ. കിങ് ഫിഷിന്റെ പ്രജനനകാലമായതിനാൽ ഓഗസ്റ്റ് 15 മുതൽ ഒക്റ്റോബർ 15 വരെയാണ് നിരോധനം ഏർപ്പെടുത്തിയിരിക്കുന്നത്. കിങ് ഫിഷിനെ പിടിക്കുന്നതും കൈവശം വയ്ക്കുന്നതും, വിൽക്കുന്നതും വാങ്ങുന്നതും കയറ്റുമതി ചെയ്യുന്നതുമെല്ലാം വിലക്കിയിട്ടുണ്ട്. ഒമാൻ കൃഷി, മത്സ്യ ബന്ധന ജലവിഭവ മന്ത്രാലയത്തിന്റേതാണ് ഉത്തരവ്.
നിരോധനം വരുന്നതിനു മുൻപേ കിങ് ഫിഷ് വാങ്ങി സൂക്ഷിച്ചിരിക്കുന്നവർ നടപടി ക്രമങ്ങൾ അനുസരിച്ച് രജിസ്റ്റർ ചെയ്യണം.
അല്ലാത്ത പക്ഷം നിയമനടപടികൾ സ്വീകരിക്കുമെന്നും മന്ത്രാലയം പറയുന്നു. കിങ് ഫിഷിന്റെ സുസ്ഥിരത ഉറപ്പു വരുത്തുന്നതിനായാണ് നിരോധനം.
