ഷാർജ ഇന്ത്യൻ അസോസിയേഷൻ തെരഞ്ഞെടുപ്പ് റദ്ദാക്കി
ഷാർജ: ഞായറാഴ്ച നടക്കാനിരുന്ന ഷാർജ ഇന്ത്യൻ അസോസിയേഷൻ ഭരണസമിതിയിലേക്കുള്ള തെരഞ്ഞെടുപ്പ് റദ്ദാക്കി. ഷാർജയിലെ ബന്ധപ്പെട്ട പ്രാദേശിക സർക്കാർ വകുപ്പുകളിൽ നിന്ന് ലഭിച്ച നിർദ്ദേശങ്ങളുടെ അടിസ്ഥാനത്തിൽ അബുദാബിയിലെ ഉന്നതാധികാരികളിൽ നിന്നു ആവശ്യമായ നിർദേശങ്ങൾ ലഭ്യമാകുന്നതുവരെയാണ് ഈ തീരുമാനം കൈക്കൊണ്ടിട്ടുള്ളത്.
തെരഞ്ഞെടുപ്പ് സുഗമമായി നടത്തുന്നതിനായുള്ള എല്ലാവിധ ഒരുക്കങ്ങളും പൂർത്തിയായിരുന്നു.
യുഎഇയിലെ ഔദ്യോഗിക നിയമങ്ങളും ഭരണപരമായ നിർദ്ദേശങ്ങളും പൂർണമായി പാലിക്കാൻ അസോസിയേഷൻ ബാധ്യസ്ഥരാണ് എന്നും തികച്ചും അപ്രതീക്ഷിതമായി ഉണ്ടായ ഈ മാറ്റം മൂലം അംഗങ്ങൾക്കുണ്ടാകുന്ന ബുദ്ധിമുട്ടുകളിൽ ഖേദം രേഖപ്പെടുത്തുന്നുവെന്നും അസോസിയേഷൻ മാനേജിംഗ് കമ്മിറ്റി അറിയിച്ചു.
