യുഎഇയിൽ വ്യാഴാഴ്ച വേനൽ മഴ പ്രവചിച്ച് കാലാവസ്ഥാ വകുപ്പ്

ദുബായ്: യുഇയിൽ അസ്ഥിര വേനൽ കാലാവസ്ഥ തുടരുമെന്നും വ്യാഴാഴ്ച രാജ്യത്തിന്‍റെ ചില ഭാഗങ്ങളിൽ മഴ പ്രതീക്ഷിക്കാമെന്നും ദേശീയ കാലാവസ്ഥാ കേന്ദ്രം അറിയിച്ചു.യുഎഇയിൽ ചില ഭാഗങ്ങളിൽ ആകാശം ഭാഗികമായി മേഘാവൃതമാകും. ചില തീര-ഉൾപ്രദേശങ്ങളിൽ രാത്രിയിലും, വെള്ളിയാഴ്ച രാവിലെയും ഈർപ്പമുള്ള കാലാവസ്ഥയാകും. പടിഞ്ഞാറു ദിശയിൽ മൂടൽമഞ്ഞ് രൂപപ്പെടാനിടയുണ്ട്.

തെക്ക്-പടിഞ്ഞാറ് മുതൽ വടക്ക്-പടിഞ്ഞാറ് വരെ ദിശകളിൽ പകൽ മണിക്കൂറിൽ 10 മുതൽ 25 കി.മീ വരെ വേഗത്തിൽ കാറ്റ് വീശുകയും പൊടിപടലങ്ങൾ ഉയരുകയും ചെയ്യും. കാറ്റിന്‍റെ വേഗത മണിക്കൂറിൽ 40 കി.മീ വരെ ആവാമെന്നും എൻ.സി.എം വ്യക്തമാക്കി.

അൽ ഐനിലെ സ്വൈഹാനിൽ താപനില 48° സെൽഷ്യസ് വരെ എത്തുമെന്ന് അറിയിപ്പിൽ പറയുന്നു. അബൂദബിയിൽ പരമാവധി താപനില 43° സെൽഷ്യസും, കുറഞ്ഞത് 31° സെൽഷ്യസുമായിരിക്കും. ദുബൈയിൽ താപനില 32°-42° സെൽഷ്യസ് എന്ന നിലയിലാകും. ഷാർജ: 33°-42° സെൽഷ്യസായിരിക്കും ഊഷ്മാവ്.