ലോകത്തെ ഏറ്റവും അപകടകരമായ ഭക്ഷണം പാചകം ചെയ്യാനുള്ള ലൈസൻസ് പത്തുവയസുകാരിക്ക്Representative image
World
ലോകത്തെ ഏറ്റവും അപകടകരമായ ഭക്ഷണം പാചകം ചെയ്യാനുള്ള ലൈസൻസ് പത്തുവയസുകാരിക്ക്
പ്രൊഫഷണല് ഷെഫുകള് ഉള്പ്പെടെ 93 പേര് പങ്കെടുത്ത ഇത്തവണത്തെ പരീക്ഷയിൽ 60 പേര് മാത്രമാണ് ജയിച്ചത്
ടോക്യോ: ലോകത്തിലെ ഏറ്റവും അപകടകരമായ ഭക്ഷണങ്ങളിലൊന്നാണ് പഫർ മത്സ്യം. സയനൈഡിനെക്കാള് മാരകമായ വിഷമടങ്ങിയിട്ടുള്ള ഈ മത്സ്യം പാകം ചെയ്യുമ്പോള് വിഷാംശമുള്ള ഭാഗങ്ങള് ശരിയായി നീക്കംചെയ്തില്ലെങ്കില് കഴിക്കുന്നവര് മരണത്തിനിരയാകും.
അതിനാല് പഫര് മത്സ്യം പാചകംചെയ്യാന് പ്രത്യേക ലൈസന്സ് ആവശ്യമാണ്. ഏത് പ്രായക്കാർക്കും ഈ ലൈസൻസ് എടുക്കാനുള്ള മത്സര പരീക്ഷയിൽ പങ്കെടുക്കാം. അടുത്തിടെ ലൈസൻസ് തേടിയെത്തിയത് 10 വയസുകാരിയാണ്. കരിൻ തബിറ എന്നാണ് അവളുടെ പേര്.
അവൾ ലൈസൻസിനായുള്ള പരീക്ഷയിൽ വിജയിച്ചതോടെ പഫര് മത്സ്യം പാചകംചെയ്യാനുള്ള ലൈസന്സ് നേടുന്ന ഏറ്റവും പ്രായം കുറഞ്ഞ വ്യക്തിയായി ജപ്പാനിലെ ഈ പത്തുവയസുകാരി. പ്രൊഫഷണല് ഷെഫുകള് ഉള്പ്പെടെ 93 പേര് പങ്കെടുത്ത ഇത്തവണത്തെ പരീക്ഷയിൽ 60 പേര് മാത്രമാണ് വിജയിച്ചത്.
