മസ്കറ്റിൽ സ്ഫോടനത്തിൽ തകരാറിലായ എണ്ണ ടെർമിനലിലെ പ്രവർത്തനം സാധാരണ നിലയിലേയ്ക്ക്
മസ്കറ്റ്: മസ്കറ്റിൽ സ്ഫോടനത്തിൽ തകരാറിലായ എണ്ണ ടെർമിനലിന്റെ പ്രവർത്തനം സാധാരണ നിലയിൽ ആയതായി കമ്പനി. ഒമാനിലെ ഫഹൽ തുറമുഖത്തിന്റെ പ്രവർത്തനം സാധാരണ നിലയിൽ എത്തിയതായി ഒമാൻ ഓയിൽ ഡവലപ്മെന്റ് കമ്പനി വ്യക്തമാക്കി. മിന അൽ ഫഹൽ ടെർമിനലിന് സമീപം സ്ഫോടനത്തെ തുടർന്ന് ഈ ടെർമിനലിൽ നിന്നുള്ള അസംസ്കൃത എണ്ണ കയറ്റുമതിയും വിതരണവും ഒമാൻ താൽക്കാലികമായി നിർത്തി വച്ചതായി അന്താരാഷ്ട്ര വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു. വെള്ളിയാഴ്ചയാണ് ഈ വിവരം പുറത്തു വന്നത്.
കടലിൽ നിന്നും കപ്പലുകളിലേയ്ക്ക് എണ്ണ നിറയ്ക്കാൻ ഉപയോഗിക്കുന്ന സിംഗിൾ-ബോയ് മൂറിങ് ബർത്തുകൾക്ക് സമീപമാണ് സ്ഫോടനം ഉണ്ടായതെന്നാണ് റിപ്പോർട്ട്. എസ്ബിഎം വൺ, എസ്ബിഎം ടു എന്നീ ബർത്തുകൾക്ക് ഇടയിലാണ് സ്ഫോടനം നടന്നതെന്നാണ് സൂചന.
