അബുദാബി സായിദ് അന്താരാഷ്ട്ര വിമാനത്താവളത്തിന് ലെവൽ 3 എസിഐ അംഗീകാരം
അബുദാബി: അബുദാബി സായിദ് അന്തർദേശിയ വിമാനത്താവളത്തിന് മികച്ച ഉപയോക്തൃ അനുഭവത്തിനുള്ള എയർപോർട്ട് കൗൺസിൽ ഇന്‍റർനാഷണലിന്‍റെ ലെവൽ 3 അംഗീകാരം ലഭിച്ചു. ന്നും രണ്ടും ലെവലുകൾ വിജയകരമായി പൂർത്തിയാക്കിയ ശേഷമാണ് ലെവൽ 3 അംഗീകാരം ലഭിച്ചത്. 2025 ന്‍റെ ആദ്യ പകുതിയിൽ, സായിദ് അന്താരാഷ്ട്ര വിമാനത്താവളം 15.5 ദശലക്ഷം യാത്രക്കാരെ സ്വാഗതം ചെയ്തു. ഇക്കാര്യത്തിൽ പ്രതിവർഷം 13.2% വർധനയാണ് രേഖപ്പെടുത്തുന്നത്. 2024 ൽ 28.1% ഉം 2023 ൽ 44.5% വുമായിരുന്നു വളർച്ചാ നിരക്ക്.
'അതിഥികളുടെ അനുഭവം മെച്ചപ്പെടുത്തുന്നതിലാണ് ഞങ്ങൾ ശ്രദ്ധ കേന്ദ്രീകരിക്കുന്നത് ," - അബുദാബി വിമാനത്താവളങ്ങളുടെ മാനേജിംഗ് ഡയറക്ടറും സിഇഒയുമായ എലീന സോർലിനി പറഞ്ഞു.
ലെവൽ 3 അംഗീകാരം നേടുന്നതിനായി, അബുദാബി നിരവധി അതിഥി കേന്ദ്രീകൃത സംരംഭങ്ങൾ ആരംഭിച്ചു. പ്രത്യേക പാസഞ്ചർ ഫോക്കസ് ഗ്രൂപ്പുകൾ, ഗസ്റ്റ് ഷാഡോയിംഗ് പ്രോഗ്രാം എന്നിവ ഇതിൽ ഉൾപ്പെടുന്നു.
