ലണ്ടൻ : ബ്രിട്ടിഷ് എഴുത്തുകാരനും ജീവചരിത്രകാരനുമായ പാട്രിക് ഫ്രെഞ്ച് (patrick french) ലണ്ടനിൽ നിര്യാതനായി. ദീർഘകാലമായി രോഗബാധിതനായി ചികിത്സയിലായിരുന്നു. വി. എസ് നയ്പാളിന്‍റെ ജീവചരിത്രമായ ദ വേൾഡ് ഈസ് വാട്ട് ഇറ്റ് ഈസ്, ഇന്ത്യ എ പോർട്രെയ്റ്റ് , യങ് ഹസ്ബെന്‍റ്, ലിബർട്ടി ഓർ ഡെത്ത് തുടങ്ങിയ കൃതികളുടെ രചയിതാവാണ്.
1966-ൽ ജനിച്ച പാട്രിക്കിനു നിരവധി പുരസ്കാരങ്ങൾ ലഭിച്ചിട്ടുണ്ട്. അഹമ്മദാബാദ് യൂണിവേഴ്സിറ്റിയുടെ സ്കൂൾ ഓഫ് ആർട്സ് ആൻഡ് സയൻസസ് ഡീനായി പ്രവർത്തിച്ചിട്ടുണ്ട്. ബ്രിട്ടിഷ്-സിംബാബ്വൻ എഴുത്തുകാരിയായ ഡോറിസ് ലെസ്സിങ്ങിന്‍റെ ജീവിചരിത്ര രചനയിലായിരുന്നു അദ്ദേഹം. പാട്രിക്കിന്‍റെ നിര്യാണത്തിൽ ശശി തരൂർ എംപി, രാമചന്ദ്ര ഗുഹ തുടങ്ങിയവർ അനുശോചനം രേഖപ്പെടുത്തി. പെൻഗ്വിൻ റാൻഡം ഹൗസ് ഇന്ത്യയുടെ മുൻ പ്രസാധകയായ മേരു ഗോഖലെയാണു പാട്രിക്കിന്‍റെ ഭാര്യ.
