ഷിക്കാഗോ: അമെരിക്കയിലെ ഷിക്കാഗോയ്ക്ക് സമീപം രണ്ടിടങ്ങളിലയുണ്ടായ വെടിവെപ്പിൽ 7 പേർ കൊല്ലപ്പെട്ടു. ഇലിനോയ് ജോലിയറ്റിലെ 2 വീടുകളിലാണ് വെടിവയ്പ്പുണ്ടായത്. റോമിയോ നാന്‍സെ എന്നയാളാണ് അക്രമത്തിന് പിന്നിലെന്നും കൃത്യത്തിന് ശേഷം ഇയാള്‍ ഒളിവില്‍പോയിരിക്കുകയാണെന്നും പോലീസ് അറിയിച്ചു.
രണ്ടുവീടുകളില്‍ ആക്രമണം നടത്തിയശേഷം റോമിയോ നാന്‍സെ എന്ന 23-കാരന്‍ ചുവന്ന കാറില്‍ രക്ഷപ്പെട്ടെന്നാണ് പോലീസ് പറയുന്നത്. ഇയാളുടെ കൈവശം ആയുധങ്ങളുണ്ടെന്നും അപകടകാരിയാണെന്നും പൊലീസ് മുന്നറിയിപ്പ് നൽകിയിട്ടുണ്ട്. അക്രമിയെക്കുറിച്ച് എന്തെങ്കിലും വിവരം ലഭിച്ചാൽ പ്രാദേശിക അന്വേഷണ ഏജന്‍സികളെ ബന്ധപ്പെടണമെന്നും പോലീസ് അഭ്യര്‍ഥിച്ചു.
