മോസ്കോ: റഷ്യയിലേയ്ക്ക് പറന്ന യാത്രാ വിമാനം കസാഖിസ്ഥാനില് തകര്ന്ന് വീണതില് ക്ഷമാപണം നടത്തി റഷ്യന് പ്രസിഡന്റ് വ്ളാഡിമിര് പുടിന്. റഷ്യയുടെ വ്യോമ മേഖലയിൽ അപകടം നടന്നതിൽ കസാഖിസ്ഥാനോട് ക്ഷമ ചോദിക്കുന്നു. ഇരകളുടെ കുടുംബങ്ങളോട് ആത്മാർഥമായ അനുശോചനം രേഖപ്പെടുത്തുന്നുവെന്നും പരുക്കേറ്റവർ വേഗം സുഖം പ്രാപിക്കട്ടെയെന്നും പുടിൻ പറഞ്ഞു. അസര്ബൈജാന് പ്രസിഡന്റുമായി പുടിന് ഫോണില് സംസാരിച്ചതായാണ് റിപ്പോര്ട്ടുകള്.
വിമാനത്തില് ഉണ്ടായിരുന്ന 67 പേരില് 38 പേര് മരിച്ചതായി കസാഖിസ്ഥാന് അധികൃതര് സ്ഥിരീകരിച്ചിരുന്നു. അസര്ബൈജാന്, കസാഖിസ്ഥാന്, കിര്ഗിസ്ഥാന് എന്നിവിടങ്ങളില് നിന്നുള്ള ആളുകളാണ് വിമാനത്തില് ഉണ്ടായിരുന്നത്. അപകടത്തിന്റെ പശ്ചാത്തലത്തില് റഷ്യന് വിമാനത്താവളത്തിലേക്കുള്ള 10 സര്വീസുകള് താല്ക്കാലികമായി നിര്ത്തിവയ്ക്കുകയും ചെയ്തു. വിമാനം തകര്ന്ന സംഭവത്തില് ബാഹ്യ ഇടപെടലുണ്ടായിട്ടുണ്ടെന്ന് അസര്ബൈജാന് എയര്ലൈന്സ് ആരോപിച്ചിരുന്നു.
