പൊറോട്ടയും എല്ലുറപ്പും

ആ​ധാ​ർ കാർഡ് പേ​ഴ്സി​ലു​ണ്ടെ​ന്ന ധൈ​ര്യ​ത്തി​ൽ റോ​ഡി​ലൂ​ടെ ന​ട​ന്നു​പോ​കു​ന്ന നി​ങ്ങ​ളോ​ട് "നീ ​ആ​രാ​ടാ?' എ​ന്നൊ​രു പൊ​ലീ​സ് യ​ജ​മാ​ന​ൻ ചോ​ദി​ച്ചാ​ൽ എ​ന്തു സം​ഭ​വി​ക്കും?

"ഇ​തു ഞാ​ൻ!' എ​ന്ന് ച​ങ്കി​ൽ കൈ​വ​ച്ചു നി​ങ്ങ​ൾ പ​റ​യു​മോ?

പി​ന്നെ​ന്താ​ണ് പ​റ​യു​ക?

അ​ല്ലെ​ങ്കി​ൽ തി​രി​ച്ച് അ​തേ ചോ​ദ്യം അ​ങ്ങോ​ട്ടു ചോ​ദി​ക്ക​ണം.

അ​തു​മ​ല്ലെ​ങ്കി​ൽ ""താ​നാ​രാ​ണെ​ന്ന് ത​നി​ക്ക​റി​യി​ല്ലെ​ങ്കി​ല്‍ താ​ന്‍ എ​ന്നോ​ട് ചോ​ദി​ക്ക്, താ​നാ​രാ​ണെ​ന്നും ഞാ​ന്‍ ആ​രാ​ണെ​ന്നും. അ​പ്പോ​ള്‍ ത​നി​ക്കു ഞാ​ന്‍ പ​റ​ഞ്ഞു ത​രാം ഞാ​നാ​രാ​ണെ​ന്നും താ​നാ​രാ​ണെ​ന്നും!'' എ​ന്ന കു​തി​ര​വ​ട്ടം പ​പ്പു​വി​ന്‍റെ പ്ര​സി​ദ്ധ​മാ​യ സി​നി​മാ ഡ​യ​ലോ​ഗ് പ്ര​യോ​ഗി​ക്ക​ണം. അ​പ്പോ​ൾ​പ്പി​ന്നെ ച​ങ്കും ക​ര​ളും വേ​റേ ഫി​റ്റു ചെ​യ്യേ​ണ്ടി​വ​രും. അ​തൊ​ക്കെ ഏ​ന​ക്കേ​ടും മെ​ന​ക്കേ​ടു​മാ​ണ്.

"നീ ​ആ​രാ​ടാ?' എ​ന്ന പൊ​ലീ​സ് ചോ​ദ്യ​ത്തി​ൽ പു​തു​മ​യൊ​ന്നു​മി​ല്ല. പ​ണ്ട​ത്തെ ഇ​ടി​യ​ൻ നാ​റാ​പി​ള്ള​യും ഹേ​ഡ് കു​ട്ട​ൻ​പി​ള്ള​യു​മൊ​ക്കെ പ്ര​ജ​ക​ളോ​ടു കു​ശ​ലം ചോ​ദി​ച്ചി​രു​ന്ന​ത് ഈ ​വി​ധ​മാ​യി​രു​ന്നു​വ​ല്ലോ.

"അ​ടി​യ​നൊ​രു വ​ഴി​പോ​ക്ക​നാ​ണേ, ഉ​പ​ദ്ര​വി​ക്ക​രു​തേ, യേ​മാ​നേ!' എ​ന്ന് തോ​ള​ത്തെ തോ​ർ​ത്തെ​ടു​ത്ത് അ​ര​യി​ൽ കെ​ട്ടി താ​ണു​തൊ​ഴു​തു പ​റ​ഞ്ഞാ​ൽ അ​ക്കാ​ല​ത്ത് ത​ടി കേ​ടാ​കാ​തെ ന​മു​ക്ക് ര​ക്ഷ​പെ​ടാ​മാ​യി​രു​ന്നു. എ​ന്നാ​ൽ, ഇ​ന്ന​ത്തെ ന​വോ​ത്ഥാ​ന വ്യ​വ​സ്ഥി​തി​യി​ൽ സം​ഗ​തി​ക​ൾ അ​ത്ര എ​ളു​പ്പ​മ​ല്ല.

നാ​ടെ​ങ്ങും പ​രി​ചി​ത​നാ​യ വി​നാ​യ​ക​ൻ എ​ന്ന മ​ല​യാ​ളി ന​ട​നെ ക​ണ്ട​മാ​ത്ര​യി​ൽ ന​മ്മു​ടെ യേ​മാ​ന്മാ​ർ ചു​വ​രി​ലെ ഗാ​ന്ധി​യു​ടെ ചി​ത്രം സാ​ക്ഷി​യാ​ക്കി "നീ ​ആ​രാ​ടാ?' എ​ന്നു ഗ​ർ​ജി​ച്ച​ത് ന​മ്മ​ൾ ക​ണ്ട​താ​ണ്. മ​ഹാ​ക​വി ജി. ​ശ​ങ്ക​ര​ക്കു​റു​പ്പി​ന്‍റെ ഭാ​ഷ​യി​ൽ പ​റ​ഞ്ഞാ​ൽ, ആ ​ഗ​ർ​ജ​ന​ത്തി​ന്‍റെ ന​ടു​ക്കം മി​ന്നും ഉ​ഡു​ക​ളി​ൽ ഇ​പ്പോ​ഴും ദൃ​ശ്യ​മാ​ണ്.

ചോ​ദ്യ​വും ഭേ​ദ്യ​വും!

എ​ല്ലാം അ​റി​ഞ്ഞു​കൊ​ണ്ടു​ള്ള ഈ ​ചോ​ദ്യം ഒ​രു മാ​റാ​രോ​ഗ​ത്തി​ന്‍റെ ല​ക്ഷ​ണം മാ​ത്ര​മാ​ണ്. ഉ​ത്ത​രം ആ​ഗ്ര​ഹി​ക്കാ​ത്ത ഇ​ത്ത​രം ചോ​ദ്യ​ങ്ങ​ൾ​ക്ക് നാ​നാ​ത​രം അ​ർ​ഥ​ങ്ങ​ളു​ണ്ട്. അ​തി​ൽ അ​ധി​കാ​ര ധാ​ർ​ഷ്ട്യ​വും അ​ഹം​ഭാ​വ​വും അ​സ​ഹി​ഷ്ണു​ത​യും ഒ​രി​റ്റു ലൈം​ഗി​ക​ത​യു​മു​ണ്ട്.

സാ​ധാ​ര​ണ​ക്കാ​ര​നാ​യ ഒ​രു ഇ​ര​യു​ടെ ഉ​ടു​മു​ണ്ടി​ന് പി​ടി​ച്ച് യേ​മാ​ന്മാ​ർ ഈ ​ചോ​ദ്യം തു​പ്പു​ന്ന​ത് അ​വ​രു​ടെ ആ​ന്ത​രി​ക ചോ​ദ​ന​ക​ളെ ത​ണു​പ്പി​ക്കാ​ൻ കൂ​ടി​യാ​ണ്. അ​തി​നു ശേ​ഷം ഇ​ര​യു​ടെ നാ​ഭി നോ​ക്കി ബൂ​ട്ടു കൊ​ണ്ട് ഒ​രു ച​വി​ട്ടു കൂ​ടി കൊ​ടു​ക്കു​ന്ന​തോ​ടെ സു​ഖ​ക​ര​മാ​യ ഒ​രു പ്ര​ക്രി​യ ക​ഴി​യും. എ​ക്കാ​ല​വും അ​നു​വ​ദി​ക്ക​പ്പെ​ട്ടി​ട്ടു​ള്ള സ​ർ​ക്കാ​ർ ചെ​ല​വി​ലു​ള്ള ചി​ല്ല​റ സു​ഖാ​നു​ഭ​വ​ങ്ങ​ളാ​ണ് ഇ​തൊ​ക്കെ എ​ന്നു ക​രു​തി​യാ​ൽ മ​തി.

കാ​ലം എ​ത്ര ചെ​ന്നാ​ലും അ​ടി​സ്ഥാ​ന മൂ​ല്യ​ങ്ങ​ൾ- "തൊ​ഴി​സ്ഥാ​ന മൂ​ല'​ക​ൾ - മാ​റു​ക​യി​ല്ലെ​ന്നു പ​റ​യു​ന്ന​ത് എ​ത്ര ശ​രി​യാ​ണ്!

നീ​യും അ​വ​നും ഞാ​നും

വി​നാ​യ​ക​നെ​പ്പോ​ലു​ള്ള​വ​രോ​ട് ഇ​താ​ണ് ന​യ​മെ​ങ്കി​ൽ ഒ​രു മേ​ൽ​വി​ലാ​സ​വു​മി​ല്ലാ​ത്ത ഒ​രു സാ​ധാ​ര​ണ​ക്കാ​ര​നോ​ട് എ​ങ്ങ​നെ​യാ​യി​രി​ക്കും അ​ധി​കാ​രി​ക​ളു​ടെ ഇ​ട​പെ​ട​ലെ​ന്ന​ത് ഊ​ഹി​ക്കാ​വു​ന്ന​തേ​യു​ള്ളൂ.

"നീ ​ആ​രാ​ടാ!' എ​ന്ന ചോ​ദ്യ​ത്തി​നു പി​ന്നാ​ലെ ആ ​മ​നു​ഷ്യ​ന്‍റെ ക​വി​ളി​ൽ അ​ടി പൊ​ട്ടു​മെ​ന്ന​തി​ൽ സം​ശ​യ​മി​ല്ല. അ​തോ​ടെ അ​ടി​യേ​റ്റ​വ​ന്‍റെ അ​ഭി​മാ​നം ക​ട​ൽ ക​ട​ക്കും. ഭാ​ര്യ​യു​ടെ​യും മ​ക്ക​ളു​ടെ​യും മു​മ്പി​ൽ അ​യാ​ൾ​ക്ക് ഒ​രി​ക്ക​ലും ത​ല​യു​യ​ർ​ത്തി നി​ൽ​ക്കാ​ൻ ക​ഴി​യാ​തെ വ​രും.

അ​ധി​കാ​ര​വും ത​ണ്ടും ത​ടി​യു​മു​ള്ള ഒ​രു മ​നു​ഷ്യ​ൻ മ​റ്റൊ​രു ഗ​തി​കെ​ട്ട മ​നു​ഷ്യ​നെ നോ​ക്കി "നീ ​ആ​രാ​ടാ!' എ​ന്ന് ആ​ക്രോ​ശി​ക്കു​മ്പോ​ൾ, ആ ​നി​മി​ഷ​ത്തി​ൽ ഇ​രു​വ​രു​ടെ​യും ക​ണ്ണു​ക​ൾ കൂ​ട്ടി​മു​ട്ടു​മ്പോ​ൾ - എ​ന്തൊ​ക്കെ വി​കാ​ര, വി​ചാ​ര​ങ്ങ​ളാ​യി​രി​ക്കും ഉ​ദി​ച്ച​സ്ത​മി​ച്ചി​ട്ടു​ണ്ടാ​വു​ക!

കോ​പ - താ​പ​ങ്ങ​ളു​ടെ യു​ദ്ധ​ക്ക​ളം

ഈ ​കോ​പ​വും താ​പ​വും ത​മ്മി​ലു​ള്ള ഏ​റ്റു​മു​ട്ട​ലു​ക​ളാ​ണ് ഇ​വി​ടെ നി​ത്യ​വും ന​ട​ക്കു​ന്ന​ത്. തി​ര​ക്കേ​റി​യ ന​ടു​റോ​ഡി​ലൂ​ടെ പോ​കു​ന്ന ബ​സ് ത​ട​ഞ്ഞു​നി​ർ​ത്തി ഡ്രൈ​വ​റു​ടെ മൂ​ക്ക് ഇ​ടി​ച്ചു ത​ക​ർ​ക്കു​ന്ന​തി​നും പ്രേ​മം നി​ര​സി​ച്ച പെ​ണ്ണി​നെ പി​ന്നാ​ലെ പോ​യി വ​ക​വ​രു​ത്താ​ൻ നോ​ക്കു​ന്ന​തി​നും ന​ടു​റോ​ഡി​ലെ പ്രാ​കൃ​ത​മാ​യ ശ​ക്തി​പ്ര​ക​ട​ന​ത്തി​നു​മൊ​ക്കെ കാ​ര​ണം ഇ​ത്ത​രം ഏ​റ്റു​മു​ട്ട​ലു​ക​ളു​ടെ തു​ട​ർ​ച​ല​ന​ങ്ങ​ളാ​ണ്.

ഈ ​രീ​തി​യി​ൽ പ​ല അ​സം​ബ​ന്ധ​ങ്ങ​ൾ ആ​വ​ർ​ത്തി​ക്ക​പ്പെ​ടു​മ്പോ​ൾ ആ​ത്മാ​ഭി​മാ​ന​മി​ല്ലാ​ത്ത ഒ​രു സ​മൂ​ഹ​വും നാ​നാ​വി​ധ താ​ത്പ​ര്യ​ങ്ങ​ളു​ള്ള രാ​ഷ്‌​ട്രീ​യ​വും അ​രാ​ഷ്‌​ട്രീ​യ​വു​മാ​യ അ​ധി​കാ​ര​കേ​ന്ദ്ര​ങ്ങ​ളും ദ​ല്ലാ​ളു​ക​ളും രൂ​പ​പ്പെ​ടു​ക​യാ​യി.

പൊ​റോ​ട്ട​യും എ​ല്ലു​റ​പ്പും

യേ​മാ​ൻ​മാ​രു​ടെ ചോ​ദ്യ​ങ്ങ​ളോ​ട് യു​വ​ത്വം എ​ങ്ങ​നെ പ്ര​തി​ക​രി​ക്കു​ന്നു എ​ന്ന​ത് ശ്ര​ദ്ധി​ക്കേ​ണ്ട​തു​ണ്ട്.

ടെ​ലി​വി​ഷ​ൻ ചാ​ന​ലു​ക​ളും പൊ​റോ​ട്ട​യും കൊ​ണ്ട് തൃ​പ്ത​മാ​കു​ന്ന യു​വ​ത്വ​ത്തേ​ക്കാ​ൾ ദ​യ​നീ​യ​മാ​യി മ​റ്റെ​ന്താ​ണു​ള്ള​തെ​ന്ന് എം.​എ​ൻ. വി​ജ​യ​ൻ ഖേ​ദി​ച്ചി​ട്ടു​ണ്ട്.

പൊ​റോ​ട്ട തി​ന്നാ​ൽ എ​ല്ലു​റ​പ്പും പ​ല്ലു​റ​പ്പും കി​ട്ടു​മെ​ന്നാ​ണ് പ​ല​രും ക​രു​തു​ന്ന​ത്. ക​സ​ബ പൊ​ലീ​സ് സ്റ്റേ​ഷ​നി​ൽ

ഇ​ടി​യ​ൻ നാ​റാ​പി​ള്ള​മാ​രു​ടെ ചോ​ദ്യ​ങ്ങ​ളെ നേ​രി​ട്ട ബ​ഷീ​റി​ന്‍റെ എ​ല്ലു​റ​പ്പ് ഇ​ന്ന് പ​ല​രി​ലും കാ​ണ്മാ​നി​ല്ല.

ഒ​രൊ​ന്നൊ​ന്ന​ര ചോ​ദ്യം!

"നീ ​ആ​രാ​ണ്?' എ​ന്ന​ത് ചെ​റി​യ ചോ​ദ്യ​മ​ല്ല എ​ന്ന​ർ​ഥം. ശ​രി​ക്കു പ​റ​ഞ്ഞാ​ൽ അ​ത് ഒ​രൊ​ന്നൊ​ന്ന​ര ചോ​ദ്യ​മാ​ണ്. ശ​രീ​ര​ത്തെ​യും ആ​ത്മാ​വി​നെ​യും ഭേ​ദി​ക്കു​ന്ന സെ​ൽ​ഫ് ലോ​ഡ​ഡ് ക്വ​സ്റ്റ്യ​നാ​ണ്.

"നീ ​ആ​രാ​ണ്? " എ​ന്ന ചോ​ദ്യ​ത്തി​നു​പ​ക​രം "ഞാ​ൻ ആ​രാ​ണ്?' എ​ന്ന് ആ​രാ​യു​ന്ന ഒ​ര​വ​സ്ഥ​യാ​ണ് യ​ഥാ​ർ​ഥ അ​ന്വേ​ഷ​ണ​ത്തി​ന്‍റെ തു​ട​ക്കം. "എ​ന്നെ തി​ര​യു​ന്ന ഞാ​ൻ' എ​ന്നാ​ണ് മ​ഹാ​ക​വി പി. ​കു​ഞ്ഞി​രാ​മ​ൻ നാ​യ​രു​ടെ അ​നു​ഭ​വ ചി​ന്ത​ക​ളു​ടെ പേ​ര്. നാ​ട​കാ​ചാ​ര്യ​ൻ എ​ൻ.​എ​ൻ. പി​ള്ള​യു​ടെ പു​സ്ത​ക​ത്തി​ന്‍റെ പേ​ര് "ഞാ​ൻ' എ​ന്നും!

അ​ങ്ങ​നെ നോ​ക്കു​മ്പോ​ൾ ഈ ​ക​ർ​മ​ഭൂ​മി​യി​ൽ എ​ത്ര​യോ അ​ന്വേ​ഷി​ക​ൾ വ​ന്നു മ​ട​ങ്ങി!

ആ​ത്മാ​വി​ന്‍റെ അ​ന്വ​ഷ​ണം

"താ​നാ​രു​വ്വാ?' എ​ന്ന് മു​ള്ളു​വ​ച്ച ചോ​ദ്യ​ത്തി​ന് "അ​ഹം ബ്ര​ഹ്മാ​സ്മി' - അ​താ​യ​ത്, ഞാ​ൻ ബ്ര​ഹ്മ​മാ​ണ് - എ​ന്ന ഉ​ത്ത​ര​ത്തി​നും സ്കോ​പ്പു​ണ്ട്.

കാ​ശി​യി​ലെ ഗം​ഗാ​തീ​ര​ത്തു ക​ണ്ട ച​ണ്ഡാ​ള​നോ​ട് "ആ​രാ​ണ് നീ' ​എ​ന്ന് ആ​ദി​ശ​ങ്ക​ര​ൻ ചോ​ദി​ക്കു​ന്നു. ഏ​താ​ണ്ട് ഇ​തേ ചോ​ദ്യ​മാ​ണ് ച​ണ്ഡാ​ള​രൂ​പ​നാ​യ ശി​വ​നും ഉ​രു​ള​യ്ക്ക് ഉ​പ്പേ​രി​യെ​ന്നോ​ണം ചോ​ദി​ക്കു​ന്ന​ത്. ഒ​ടു​വി​ൽ ഇ​തൊ​രു ത​ത്വ​ശാ​സ്ത്ര ച​ർ​ച്ച​യാ​യി മാ​റു​ന്നു.

ഓ​ണ​ത്തി​രു​മു​റ്റ​ത്തു നി​ന്ന മ​ഹാ​ബ​ലി "താ​നാ​രാ​ണ്?' എ​ന്ന് ക​വി​യോ​ടു ചോ​ദി​ച്ച​തി​ന്‍റെ ഉ​ത്ത​ര​മാ​ണ് "ബ​ലി​ദ​ർ​ശ​നം' എ​ന്ന അ​ക്കി​ത്ത​ത്തി​ന്‍റെ മ​ഹാ​കാ​വ്യം. താ​നാ​രെ​ന്ന് അ​തു​വ​രെ ചി​ന്തി​ക്കാ​ന്‍ മി​ന​ക്കെ​ടാ​തി​രു​ന്ന ക​വി ത​ന്നെ​ക്കു​റി​ച്ചും മ​നു​ഷ്യ​രാ​ശി​യെ​ക്കു​റി​ച്ചും മ​ന​നം ചെ​യ്തു തു​ട​ങ്ങി. അ​തി​പു​രാ​ത​ന​മാ​യ ഭാ​ര​ത​ഖ​ണ്ഡ​ത്തി​ലെ സൂ​ര്യ​വം​ശ​ത്തി​ന്‍റെ​യും ച​ന്ദ്ര​വം​ശ​ത്തി​ന്‍റെ​യും പി​ന്മു​റ​ക്കാ​ര​നാ​ണ് താ​ൻ എ​ന്നാ​യി​രു​ന്നു ക​വി​യു​ടെ ഉ​ത്ത​രം.

"നീ ​ആ​രാ​ണ്?' എ​ന്ന ചോ​ദ്യ​ത്തി​ന് എ​തി​ർ​പ്പി​ന്‍റെ പ്ര​വാ​ച​ക​നാ​യി​രു​ന്ന പി. ​കേ​ശ​വ​ദേ​വും ഉ​ത്ത​രം പ​റ​ഞ്ഞി​ട്ടു​ണ്ട്. അ​തി​ങ്ങ​നെ​യാ​ണ്: ""ജീ​വി​ത​ത്തെ സ്നേ​ഹി​ച്ചും മ​ര​ണ​ത്തെ ധി​ക്ക​രി​ച്ചും ജീ​വി​ക്കു​ന്ന ഈ ​ഭൂ​മി​യി​ലെ കോ​ടാ​നു കോ​ടി​ക​ളി​ൽ ഒ​രു മ​നു​ഷ്യ​നാ​ണ് ഞാ​ൻ''.

"ഞാ​ൻ ആ​രാ​ണ്, നാ​ണു നാ​യ​രേ? എ​ന്‍റെ പേ​രെ​ന്താ​ണ്?' എ​ന്ന​ന്വേ​ഷി​ച്ച് ഉ​ഴ​റി ന​ട​ക്കു​ന്ന ഒ​രു മ​നു​ഷ്യ​ന്‍റെ ക​ഥ പ​റ​ഞ്ഞ​ത് എം. ​മു​കു​ന്ദ​നാ​യി​രു​ന്നു.