റാവൽപിണ്ടിയിൽ മഴ; ബംഗ്ലാദേശ്- പാക്കിസ്ഥാൻ മത്സരം ഉപേക്ഷിച്ചു
റാവൽപിണ്ടി: ചാംപ‍്യൻസ് ട്രോഫി ടൂർണമെന്‍റിൽ വ‍്യാഴാഴ്ച നടക്കാനിരുന്ന ബംഗ്ലാദേശ്- പാക്കിസ്ഥാൻ മത്സരം മഴ മൂലം ഉപേക്ഷിച്ചു. ശക്തമായ മഴ മൂലം ഒറ്റ പന്തുപോലും എറിയാനായില്ല. ഇതോടെയാണ് മത്സരം ഉപേക്ഷിച്ചത്. ആതിഥേയരായ പാക്കിസ്ഥാനും ബംഗ്ലാദേശും ഒരു പോയിന്‍റോടെയാണ് ടൂർണമെന്‍റിൽ നിന്നും മടങ്ങിയത്.
നിലവിൽ ഗ്രൂപ്പ് എ പട്ടികയിൽ ന‍്യൂസിലൻഡാണ് ഒന്നാം സ്ഥാനത്ത്. ന‍്യൂസിലൻഡ് - ഇന്ത‍്യ മത്സരം ഗ്രൂപ്പ് ജേതാക്കളെ നിശ്ചയിക്കും. ആദ‍്യ മത്സരത്തിൽ പാക്കിസ്ഥാനെയും രണ്ടാം മത്സരത്തിൽ ബംഗ്ലാദേശിനെയും തോൽപ്പിച്ചാണ് ന‍്യൂസിലൻഡ് സെമി ഫൈനലിൽ പ്രവേശിച്ചത്. ബംഗ്ലാദേശും പാക്കിസ്ഥാനും ആദ‍്യ രണ്ടു മത്സരങ്ങളും തോൽവിയറിഞ്ഞ് നേരത്തെ ടൂർണമെന്‍റിൽ നിന്നും പുറത്തായിരുന്നു.
