മെല്ബണ്: തന്റെ കരിയറിലെ അവസാന ടെസ്റ്റ് പരമ്പര കളിക്കുന്ന ഓസ്ട്രേലിയന് താരം ഡേവിഡ് വാര്ണര് മെൽബണിൽ നിന്ന് മടങ്ങി. ബോക്സിംഗ് ഡേ ടെസ്റ്റിന്റെ രണ്ടാം ഇന്നിങ്സിൽ ആറ് റണ്സിനാണ് താരം പുറത്തായത്.
മെല്ബണില് തന്റെ അവസാന ഇന്നിങ്സിന് ശേഷം ആയതുകൊണ്ടുതന്നെ ആരാധകരോട് വിടപറഞ്ഞാണ് താരം പവലിയനിലേക്ക് മടങ്ങിയത്. ആരാധകർ എഴുന്നേറ്റ് നിന്ന് കൈയടിച്ച് പ്രിയതാരത്തിന് വിടവാങ്ങൽ നടത്തി. കയറുന്നതിനിടെ തന്റെ ഗ്ലൗസ് വാര്ണര് മത്സരം കാണാനെത്തിയ കുഞ്ഞു ആരാധകര്ക്ക് നല്കിയിരുന്നു. ഈ വീഡിയോ ആരാധകർ ആഘോഷമാക്കി.