ശ്രീലങ്ക എ ടീമിനെതിരേ പന്തെറിയുന്ന ഇന്ത്യൻ പേസ് ബൗളർ അക്വിബ് നബി.
ഗാലെ: ഇന്ത്യ എ ടീമും ശ്രീലങ്ക എ ടീമും തമ്മിലുള്ള അനൗദ്യോഗിക ടെസ്റ്റ് ക്രിക്കറ്റ് മത്സരം സമനിലയിൽ അവസാനിച്ചു. 312 റൺസ് വിജയ ലക്ഷ്യം മുന്നിൽക്കണ്ട് ഇറങ്ങിയ ശ്രീലങ്ക എ നാലാമത്തെയും അവസാനത്തെയും ദിവസം കളി അവസാനിക്കുമ്പോൾ 70/2 എന്ന നിലയിലായിരുന്നു.
നേരത്തെ, 189/8 എന്ന നിലയിൽ ഇന്ത്യ എ രണ്ടാമിന്നിങ്സ് ഡിക്ലയർ ചെയ്യുകയായിരുന്നു. ആദ്യ ഇന്നിങ്സിൽ 452/6 എന്ന നിലയിലും ഡിക്ലയർ ചെയ്തിരുന്നു. ശ്രീലങ്ക ആദ്യ ഇന്നിങ്സിൽ 330 റൺസിന് ഓൾഔട്ടായിരുന്നു. ഇന്ത്യക്കു വേണ്ടി അക്വിബ് നബി നാല് വിക്കറ്റ് നേടി.
ദേവദത്ത് പടിക്കൽ (67) മാത്രമാണ് രണ്ടാമിന്നിങ്സിൽ ഇന്ത്യക്കായി അർധ സെഞ്ചുറി നേടിയത്. ആദ്യ ഇന്നിങ്സിൽ ഓപ്പണർ സായ് സുദർശനും ക്യാപ്റ്റൻ ധ്രുവ് ജുറെലും സെഞ്ചുറി നേടിയിരുന്നു.
