ടോക്യോ: ജൂനിയര് വനിതാ ഏഷ്യാ കപ്പ് ഹോക്കിയില് ഇന്ത്യന് വനിതകള്ക്ക് കിരീടം. ജപ്പാനിലെ കാകമിഗാഹരയില് നടന്ന ഫൈനലില് ദക്ഷിണകൊറിയയെ തോല്പിച്ചായിരുന്നു ടീം ഇന്ത്യയുടെ കിരീടനേട്ടം. ഒന്നിനെതിരേ രണ്ടു ഗോളുകള്ക്കായിരുന്നു ഇന്ത്യ ജയിച്ചു കയറിയത്.
ഇന്ത്യന് വനിതകളുടെ കന്നിക്കിരീടമാണിത്. ഇന്ത്യക്കു വേണ്ടി സ്ട്രൈക്കര് അന്നുവും പ്രതിരോധതാരം നീലവുമാണ് സ്കോര് ചെയ്തത്. പാര്ക്ക് സിയോ യോനാണ് കൊറിയയുടെ ആശ്വാസ ഗോള് നേടിയത്. അവിശ്വസീനയ പ്രകടനമാണ് ഇന്ത്യ ടൂര്ണമെന്റില് ഉടനീളം നടത്തിയത്.
ആവേശപ്പോരാട്ടത്തില് ജപ്പാനെ 10ന് തോല്പിച്ചാണ് ഇന്ത്യ ഫൈനലില് കടന്നത്. 47ാം മിനിറ്റില് സുനേലിത ടോപ്പോയാണ് ഇന്ത്യയുടെ വിജയഗോള് നേടിയത്. ഇത് രണ്ടാം തവണയാണ് ഇന്ത്യന് വനിതാ ടീം ജൂനിയര് ഏഷ്യാകപ്പിന്റെ ഫൈനലില് പ്രവേശിക്കുന്നത്. 2012ലായിരുന്നു ആദ്യത്തേത്.