എയ്ഡൻ മാർക്രം, സൂര്യകുമാർ യാദവ് ടോസിനെത്തിയപ്പോൾ.
അഹമ്മദാബാദ്: ഐസിസി ടി20 ക്രിക്കറ്റ് ലോകകപ്പിലെ തങ്ങളുടെ ആദ്യ സൂപ്പർ 8 മത്സരത്തിൽ ഇന്ത്യ ദക്ഷിണാഫ്രിക്കയെ നേരിടുന്നു. ടോസ് നേടിയ ദക്ഷിണാഫ്രിക്കൻ ക്യാപ്റ്റൻ എയ്ഡൻ മാർക്രം ബാറ്റിങ്ങാണ് തെരഞ്ഞെടുത്തിരിക്കുന്നത്.
തുടരെ മൂന്ന് മത്സരങ്ങളിൽ പൂജ്യത്തിനു പുറത്തായ വെടിക്കെട്ട് ഓപ്പണർ അഭിഷേക് ശർമ ഇന്ത്യയുടെ പ്ലെയിങ് ഇലവനിൽ തുടരുന്നു. കഴിഞ്ഞ മത്സരം കളിച്ച പ്ലെയിങ് ഇലവനിൽ മാറ്റമില്ലാതെയാണ് ഇന്ത്യ ഇറങ്ങുന്നത്.
ഇടങ്കയ്യൻ സ്പിൻ ഓൾറൗണ്ടറും ടീമിന്റെ വൈസ് ക്യാപ്റ്റനുമായ അക്ഷർ പട്ടേലിനു പകരം വാഷിങ്ടൺ സുന്ദർ തന്നെ കളിക്കുന്നു.
ടീമുകൾ
ഇന്ത്യ: അഭിഷേക് ശർമ, ഇഷാൻ കിഷൻ (വിക്കറ്റ് കീപ്പർ), തിലക് വർമ, സൂര്യകുമാർ യാദവ് (ക്യാപ്റ്റൻ), ഹാർദിക് പാണ്ഡ്യ, ശിവം ദുബെ, റിങ്കു സിങ്, വാഷിങ്ടൺ സുന്ദർ, അർഷ്ദീപ് സിങ്, വരുൺ ചക്രവർത്തി, ജസ്പ്രീത് ബുംറ.
ദക്ഷിണാഫ്രിക്ക: എയ്ഡൻ മാർക്രം (ക്യാപ്റ്റൻ), ക്വിന്റൺ ഡികോക്ക് (വിക്കറ്റ് കീപ്പർ), റിയാൻ റിക്കിൾടൺ, ഡിവാൾഡ് ബ്രീവിസ്, ഡേവിഡ് മില്ലർ, ട്രിസ്റ്റൻ സ്റ്റബ്സ്, മാർക്കോ യാൻസൻ, കോർബിൻ ബോഷ്, കാഗിസോ റബാദ, കേശവ് മഹാരാജ്, ലുംഗി എൻഗിഡി.
