14.2 കോടി രൂപ വീതം നേടിയ കാർത്തിക് ശർമ, പ്രശാന്ത് വീർ.
വിഘ്നേഷ് പുത്തൂർ.
കേരളത്തിൽ നിന്നുള്ള ഇടങ്കയ്യൻ ചൈനാമാൻ ബൗളർ. അടിസ്ഥാന വിലയായ 30 ലക്ഷം രൂപയ്ക്ക് രാജസ്ഥാൻ റോയൽസിൽ.
കാർത്തിക് ശർമ
രാജസ്ഥാനിൽ നിന്നുള്ള ബിഗ് ഹിറ്റർ. അടിസ്ഥാന വില 30 ലക്ഷം. ചെന്നൈ സൂപ്പർ കിങ്സ് സ്വന്തമാക്കിയത് 14.2 കോടി രൂപയ്ക്ക്.
പ്രശാന്ത് വീർ
ഉത്തർ പ്രദേശിന്റെ ഇടങ്കയ്യൻ സ്പിൻ ബൗളിങ് ഓൾറൗണ്ടർ. ഇരുപതു വയസുകാരനുവേണ്ടി ചെന്നൈ സൂപ്പർ കിങ്സും സൺറൈസേഴ്സ് ഹൈദരാബാദും തമ്മിൽ കടുത്ത മത്സരം.
30 ലക്ഷം അടിസ്ഥാന വില. ലേലത്തുക ക്ഷണ നേരത്തിൽ പത്തു കോടി പിന്നിട്ടു.
ഒടുവിൽ 14.2 കോടി രൂപയ്ക്ക് ചെന്നൈ സ്വന്തമാക്കി. രവീന്ദ്ര ജഡേജയ്ക്കു പറ്റിയ പകരക്കാരനെയാണ് ചെന്നൈ തേടുന്നത്.
അക്വിബ് നബി.
ജമ്മു കശ്മീർ ഫാസ്റ്റ് ബൗളർ അക്വിബ് നബിക്കു വേണ്ടി ശക്തമായ ലേലം വഴി. 30 ലക്ഷം അടിസ്ഥാനവിലയുള്ള താരത്തിന്റെ ലേലത്തുക ക്ഷണ നേരത്തിൽ മൂന്നു കോടി കടന്നു. ആഭ്യന്തര സീസണിൽ മിന്നും ഫോമിലാണ് നബി.
സൺറൈസേഴ്സും ഡൽഹി ക്യാപ്പിറ്റൽസും തമ്മിൽ കടുത്ത മത്സരം. 8.40 കോടി രൂപയ്ക്ക് ഡൽഹിക്കു സ്വന്തം.
ശ്രീലങ്കൻ പേസ് ബൗളർ മതീശ പതിരണയ്ക്കു വേണ്ടി ഡൽഹി ക്യാപ്പിറ്റൽസും ലഖ്നൗ സൂപ്പർ ജയന്റ്സും തമ്മിൽ ശക്തമായ മത്സരം.
വില 15 കോടി കടന്നു
കോൽക്കത്തയും രംഗത്ത്
എൽഎസ്ജി പിന്മാറി, 18 കോടിക്ക് പതിരണ കെകെആറിൽ
കാമറൂൺ ഗ്രീൻ.
ഓസ്ട്രേലിയയുടെ പേസ് ബൗളിങ് ഓൾറൗണ്ടർ കാമറൂൺ ഗ്രീനിനു വേണ്ടി ശക്തമായ ലേലം വിളി. അടിസ്ഥാന വില 2 കോടി.
കോൽക്കത്ത നൈറ്റ് റൈഡേഴ്സും രാജസ്ഥാൻ റോയൽസും തമ്മിൽ ഗ്രീനിനു വേണ്ടി ശക്തമായ മത്സരം.
ചെന്നൈ സൂപ്പർ കിങ്സും മത്സരത്തിൽ, വില 14 കോടി കടന്നു.
രാജസ്ഥാൻ പിൻമാറി, ചെന്നൈയും കോൽക്കത്തയും തമ്മിൽ മത്സരം.
20 കോടിയും കടന്ന് ഗ്രീനിന്റെ മൂല്യം.
25.20 കോടി രൂപയ്ക്ക് കോൽക്കത്ത ലേലം ഉറപ്പിച്ചു.
ഐപിഎൽ ലേലത്തിൽ വിദേശ താരത്തിനു ലഭിക്കുന്ന ഏറ്റവും ഉയർന്ന തുക. മിച്ചൽ സ്റ്റാർക്കിനു ലഭിച്ച 24.75 കോടി രൂപയുടെ റെക്കോഡാണ് തകർന്നത്.
ഐപിഎൽ മിനി താരലേലത്തിന് യുഎഇയിലെ അബുദാബിയിൽ തുടക്കം.
