കപ്പ് തൂക്കി; രഞ്ജി ട്രോഫിയിൽ ജമ്മുവിന് കന്നി കിരീടം

ഹുബ്ലി: രഞ്ജി ട്രോഫിയിൽ കന്നി കിരീടം സ്വന്തമാക്കി ജമ്മു കശ്മീർ. കർണാടകയ്ക്കെതിരായ ഫൈനൽ മത്സരത്തിൽ‌ ഒന്നാം ഇന്നിങ്സ് ലീഡിന്‍റെ ബലത്തിലാണ് ജമ്മു വിജയിച്ചത്. ഒന്നാമിന്നിങ്സിൽ 584 റൺസ് നേടിയ ജമ്മുവിന് മറുപടി നൽകാൻ ബാറ്റിങ്ങിനിറങ്ങിയ കർണാടക 293 റൺസിന് പുറത്തായിരുന്നു.

മത്സരത്തിന്‍റെ അഞ്ചാം ദിനം ജമ്മു കശ്മീർ രണ്ടാം ഇന്നിങ്സിൽ നാലു വിക്കറ്റ് നഷ്ടത്തിൽ 342 റൺസെന്ന നിലയിൽ നിൽക്കെ സമനിലയ്ക്ക് സമ്മതിക്കുകയായിരുന്നു. 160 റൺസുമായി ഖമ്രാൻ ഇഖ്ബാലും 101 റൺസുമായി സാഹിൽ ലോത്രയും പുറത്താവാതെ നിന്നു.