ആലപ്പുഴ: രഞ്ജി ട്രോഫി കേരളാ ടീമിന്റെ പരിശീലനം ആലപ്പുഴയിലെ എസ്ഡി കോളേജ് ഗ്രൗണ്ടിൽ പുരോഗമിക്കുന്നു. നാളെ നടക്കുന്ന ആദ്യ മത്സരത്തില് ഉത്തര്പ്രദേശാണ് കേരളത്തിന്റെ എതിരാളികള്.
ഒരിടവേളയ്ക്ക് ശേഷമാണ് കേരളം റെഡ് ബോള് ക്രിക്കറ്റില് കളിക്കാനിറങ്ങുന്നത്. സഞ്ജു നയിക്കുന്ന കേരള ടീമില് യുവതാരം രോഹന് കുന്നുമ്മലാണ് വൈസ് ക്യാപ്റ്റന്. സച്ചിന് ബേബി, രോഹന് പ്രേം, ജലജ് സക്സേന, ശ്രേയസ് ഗോപാല് എന്നീ പ്രമുഖ താരങ്ങളെല്ലാം സ്ക്വാഡില് ഇടം പിടിച്ചു. എം വെങ്കട് രമണയാണ് ടീമിന്റെ മുഖ്യപരിശീലകന്. രണ്ടാം മത്സരത്തില് കേരളം അസമിനെ നേരിടും.
കേരള ടീം: സഞ്ജു വി. സാംസണ് (ക്യാപ്റ്റന്), രോഹന് എസ്. കുന്നുമ്മല് (വൈസ് ക്യാപ്റ്റന്), കൃഷ്ണ പ്രസാദ്, ആനന്ദ് കൃഷ്ണന്, രോഹന് പ്രേം, സച്ചിന് ബേബി, വിഷ്ണു വിനോദ്, അക്ഷയ് ചന്ദ്രന്, ശ്രേയസ് ഗോപാല്, ജലജ് സക്സേന, വൈശാഖ് ചന്ദ്രന്, ബേസില് തമ്പി, വിശ്വേശ്വര് എ. സുരേഷ്, നിധീഷ് എം.ഡി, ബേസില് എന്.പി, വിഷ്ണു രാജ്.
