ലണ്ടന്‍: ഈ വര്‍ഷം ഇന്‍റര്‍നെറ്റിലൂടെ ഏറ്റവുമധികം ആളുകള്‍ കണ്ട ഫുട്ബോള് താരമായി സൂപ്പർതാരം ലയണല്‍ മെസി. എഫ് ബി റെഫ് സ്റ്റാറ്റ്സ് വെബ്സൈറ്റ് പുറത്തുവിട്ട കണക്കിലാണ് ഇക്കാര്യം വ്യക്തമാക്കുന്നത്. ഖത്തര്‍ ലോകകപ്പ് ജയം, പിഎസ്ജിയിൽ നിന്ന് ഇന്‍റര്‍ മയാമിയിലേക്കുള്ള മാറ്റവുമെല്ലാം മെസിയെ തിരയുന്നതിന് കാരണമായി.
അമെരിക്കയിലും ഏറ്റവുമധികം ആളുകള്‍ ഇന്‍റര്‍നെറ്റിലൂടെ കണ്ടത് മെസിയെയാണ്. അമെരിക്കയിലെ 50 സംസ്ഥാനങ്ങളിലും മെസിയെ തന്നെയാണ് കൂടുതല്‍ ആളുകള്‍ കണ്ടത്. ഇന്ത്യയും ഏറ്റവുമധികം ആളുകള്‍ ഇന്‍റര്‍നെറ്റില്‍ കണ്ടത് അര്‍ജന്‍റീനന്‍ ഇതിഹാസത്തെയാണ്. കൂടാതെ തുര്‍ക്കി, ക്യാനഡ, ബെല്‍ജിയം, ചൈന, ജര്‍മനി, ദക്ഷിണാഫ്രിക്ക, ഈജിപ്ത്, അര്‍ജന്‍റീന, നെതര്‍ലന്‍ഡ്സ്, ഘാന, സ്വീഡന്‍, ഇറ്റലി എന്നീ രാജ്യങ്ങളിലും മെസ്സി മുന്നില്‍ തന്നെ നില്‍ക്കുന്നു.
