ബ്യൂണസ് അയേഴ്സ്: ലയണല് മെസി ദേശീയ ടീമില് നിന്ന് ഒരു വര്ഷത്തേക്കു മാറി നില്ക്കാന് ആലോചിക്കുന്നു. ഫ്രഞ്ച് വമ്പന്മാരായ പാരീ സാന്ഷര്മെയ്ന് വിട്ട് അമെരിക്കയിലെ ഇന്റര് മയാമിയിലേക്ക് ചേക്കേറുന്ന മെസിക്ക് അവിടവുമായി ഇണങ്ങുക എന്ന ഉദ്ദേശ്യമാണുള്ളത്. ഇതിന്റെ ഭാഗമായാണ് മെസി ദേശീയ ടീമില്നിന്നു വിട്ടുനില്ക്കുന്നത് എന്നാണ് വിവരം.
അമേരിക്കയിലെ പുതിയ ജീവിതവുമായി തന്റെ കുടുംബം പൊരുത്താന് തയാറെടുക്കവെയാണ് ഇതിന്റെ ഭാഗമായി ഒരു വര്ഷത്തേക്കു ദേശീയ ടീമില് നിന്നും അവധി വേണമെന്നു മെസി അപേക്ഷിക്കുന്നത്. ദേശീയ ടീമില് നിന്നും ഒരു വര്ഷം മാറി നില്ക്കുന്നതിനെക്കുറിച്ച് അര്ന്റൈന് കോച്ച് ലയണല് സ്കലോനിയുമായി സെി സംസാരിച്ചുകഴിഞ്ഞു. മെസിയുടെ തീരുമാനം കോച്ചിനെയും അര്ജന്റീന ഫുട്ബോള് ഫെഡറേഷനെയും അദ്ദേഹം അറിയിച്ചു. ഫെഡറേഷന് ഇതിന് അനുമതി നല്കിയിട്ടുണ്ട്.
ഫുട്ബോള് കരിയര് തുടക്കം മുതല് മെസി യൂറോപ്പിലാണ് ജീവിച്ചത്. കുട്ടിയായിരിക്കെ സ്പാനിഷ് വമ്പന്മാരായ ബാഴ്സലോണയിലെത്തിയ മെസി ദീര്ഘകാലം ക്ലബ്ബിനൊപ്പം തുടര്ന്നു. 2001ല് 13 വയസ്സുള്ളപ്പോഴായിരുന്നു മെസി ബാഴ്സയുടെ ഭാഗമായത്. അവിടെ നിന്നായിരുന്നു അദ്ദേഹം ഫ്രഞ്ച് ക്ലബ്ബായ പിഎസ്ജിയിലേക്കു കൂടുമാറിയത്. എന്നാല് ഇപ്പോള് പിഎസ്ജിയോടു ഗുഡ്ബൈ പറഞ്ഞ് തനിക്കു തീര്ക്കും അപരിചിതമായ അമേരിക്കയിലേക്കു ചേക്കേറിയിരിക്കുകയാണ്.
അതിനിടെ ഇന്റര് മയാമി ക്ലബ്ബുമായി കരാറിലെത്തിയ ശേഷം മെസി മയാമിയില് താമസത്തിനായി വീട് കണ്ടെത്തിയിട്ടുണ്ട്.ഭാര്യ അന്റോനെല്ല റൊക്ക്യൂസോ, മക്കളായ തിയാഗോ, മറ്റെയോ, സിറോ എന്നിവര്ക്കൊപ്പം താരം അവിടേക്കു മാറും. ജൂലൈയിലായിരിക്കും പുതിയ ക്ലബിനു വേണ്ടിയുള്ള മെസിയുടെ അരങ്ങറ്റം. ക്രസ് അസൂലുമായുള്ള മല്സരത്തിലൂടെയായിരിക്കും ഇന്റര് മയാമിക്കുവേണ്ടി മെസ്സി അരങ്ങേറുന്നത്. മെസി ഇന്റര് മമയാമിയിലെത്തിയ ശേഷം മയാമി ടീമിന്റെ ഓഹരി മൂല്യം കുതിച്ചുയര്ന്നു. അതുപോലെ തന്നെ വലിയ ഫാന്ബേസും ഇന്റര് മയാമിക്കായി. സോഷ്യല് മീഡിയ അക്കൗണ്ടുകളില് ഇന്റര് മയാമിയുടെ ഫോളോവേഴ്സിന്റെ എണ്ണത്തില് അഭൂതപൂര്വവമായ വളര്ച്ചയാണ് ഉണ്ടായിരിക്കുന്നത്.