ബെംഗളൂരു: ഇന്ത്യന് ഹോക്കി ടീം താരവും അര്ജുന അവാര്ഡ് ജേതാവുമായ വരുണ് കുമാറിനെതിരെ പോക്സോ നിയമപ്രകാരം കേസ്. പ്രായപൂര്ത്തിയാകാത്ത സമയത്ത് പലതവണ പീഡിപ്പിച്ചെന്ന വനിതയുടെ പരാതിയിലാണ് കേസെടുത്തിരിക്കുന്നത്. ബെംഗളൂരു പൊലീസാണ് ഇന്ത്യന് ഹോക്കി ടീമിലെ പ്രതിരോധ താരമായ വരുണിനെതിരെ കേസെടുത്തിരിക്കുന്നത്.
2018ല് തനിക്ക് 17 വയസായിരുന്ന സമയത്ത് വരുണ് തനിക്ക് ഇന്സ്റ്റഗ്രാമില് സന്ദേശങ്ങള് അയക്കുമായിരുന്നു. വിവാഹ വാഗ്ദാനം നല്കി തന്നെ പല സ്ഥലങ്ങളില് വെച്ച് ലൈംഗികമായി ഉപയോഗിച്ചു. അന്ന് സ്പോര്ട്സ് അഥോറിറ്റി ഓഫ് ഇന്ത്യയുടെ കീഴില് വരുണ് ബെംഗളൂരുവില് പരിശീലനത്തിലായിരുന്നു. അപ്പോഴാണ് തന്നെ വരുണ് പരിചയപ്പെട്ടതെന്നും പരാതിക്കാരി പറയുന്നു.
2021ല് അര്ജുന അവാര്ഡ് ജേതാവായ വരുണ് കഴിഞ്ഞ ഇടയ്ക്കാണ് പഞ്ചാബ് പൊലീസില് ഡി സി പി ആയത്. ഹിമാചല്പ്രദേശ് സ്വദേശിയായ വരുണ് കുമാര് 2017ലാണ് ഇന്ത്യന് ടീമില് അരങ്ങേറിയത്. 2022ലെ കോമണ്വെല്ത്ത് ഗെയിംസില് വെള്ളി മെഡല് നേടിയ ഇന്ത്യന് ടീമില് വരുണ് അംഗമാണ്. താരം ഇപ്പോള് ഭുവനേശ്വറില് ദേശീയ ടീമിനൊപ്പം പരിശീലനത്തിലാണ്.