സച്ചിൻ ടെൻഡുൾക്കർ, രോഹിത് ശർമ
ന്യൂഡൽഹി: ഇതിഹാസ താരം സച്ചിൻ ടെൻഡുൾക്കറുടെ ഏറെ നാളത്തെ റെക്കോഡ് തകർത്ത് ഇന്ത്യൻ താരം രോഹിത് ശർമ. അഫ്ഗാനിസ്ഥാനെതിരായ ഏകദിന മത്സരത്തിൽ പാഡണിഞ്ഞതോടെ ഇന്ത്യയ്ക്കു വേണ്ടി ഏകദിന ക്രിക്കറ്റ് കളിക്കുന്ന ഏറ്റവും പ്രായം കൂടിയ പുരുഷ താരമെന്ന നേട്ടം രോഹിത് സ്വന്തം പേരിലേക്ക് ചേർത്തു.
അഫ്ഗാനിസ്ഥാനെതിരായ മത്സരത്തിനിറങ്ങുമ്പോൾ 39 വയസും 44 ദിവസവുമാണ് രോഹിത് ശർമയ്ക്ക് പ്രായം. സച്ചിൻ അവസാനമായി ഏകദിനം കളിക്കുമ്പോൾ 38 വയസും 329 ദിവസവുമായിരുന്നു പ്രായം. ഇതാണ് ഹിറ്റ്മാൻ ഇപ്പോൾ മറികടന്നിരിക്കുന്നത്.
