മുംബൈ: ഇപ്പോഴത്തെ ഫോം കണക്കിലെടുത്താല് പാക്കിസ്ഥാന്റെ ബാബര് അസം ആണ് മികച്ച ബാറ്റര് എന്ന് ക്രിക്കറ്റ് ഇതിഹാസം സച്ചിന് ടെന്ഡുല്ക്കര്. ബാബറിന്റെ കവര് ഡ്രൈവുകള് അതിമനോഹരമാണ്. ചിത്രങ്ങളില് അതു കാണാന് ഭംഗിയുണ്ട്. ബാബര് അസം കളിക്കുന്നതു കാണുന്നത് വളരെയേറെ ഇഷ്ടപ്പെടുന്നു- സച്ചിന് പറഞ്ഞു.
പാക്കിസ്ഥാന് ക്രിക്കറ്റിന്റെ നെടുന്തൂണാണ് ബാബര് അസം. ലോകകപ്പ് അവര് പ്രതീക്ഷിക്കുന്നത് ഈ താരത്തെ മുന്നില് കണ്ടാണ്. യുവത്വവും പരിചയസമ്പന്നതയും ഒത്തണങ്ങിയ ടീമാണ് ഇപ്പോള് അവരുടേത്. നിരവധി സെഞ്ചുറികളും അര്ധസെഞ്ചുറികളും ബാബറിന്റേതായുണ്ട്. ക്രിക്കറ്റിലെ മൂന്നു ഫോര്മാറ്റുകളിലും അനുയോജ്യമായി കളിക്കുന്ന താരമാണ് ബാബര്. ലോകകപ്പില് ഇന്ത്യ - പാക്കിസ്ഥാന് പോരാട്ടം നടക്കുന്നത് ഒക്ടോബര് 15നാണ്. ഈ പോരാട്ടത്തില് ബാബര് അസമും ഇന്ത്യന് ബൗളര്മാരുമായിരിക്കും ശ്രദ്ധേയമാവുക.