ഏഷ‍്യ കപ്പിനുള്ള ടീമിനെ പ്രഖ‍്യാപിച്ച് ശ്രീലങ്ക
കൊളംബോ: ഏഷ‍്യ കപ്പിനുള്ള ശ്രീലങ്കൻ ടീമിനെ പ്രഖ‍്യാപിച്ചു. ചരിത് അസലങ്ക നയിക്കുന്ന 16 അംഗ ടീമിൽ കുശാൽ മെൻഡിസ്, പാതും നിശങ്ക, കാമിന്ദു മെൻഡിസ് എന്നിവരടങ്ങുന്ന മികച്ച ബാറ്റിങ് നിരയും മതീശ പതിരണ, ദുഷ്മന്ത ചമീര, മഹീഷ് തീക്ഷണ എന്നിവർ ഉൾപ്പെടുന്ന ബൗളിങ് നിരയും ഉൾപ്പെടുന്നു.
അതേസമയം, വാനിന്ദു ഹസരങ്കയെ ടീമിൽ ഉൾപ്പെടുത്തിയിട്ടുണ്ടെങ്കിലും പരുക്ക് ഭേദമാകാത്തതിനാൽ കളിക്കുമോയെന്ന കാര‍്യം വ‍്യക്തമല്ല.
ബംഗ്ലാദേശിനെതിരേ സെപ്റ്റംബർ 13ന് ആണ് ശ്രീലങ്കയുടെ ആദ‍്യ മത്സരം. പിന്നീട് സെപ്റ്റംബർ 15ന് ഹോങ്കോങ്ങിനെയും 18ന് അഫ്ഗാനിസ്ഥാനെയും ശ്രീലങ്ക ഗ്രൂപ്പ് ഘട്ടത്തിൽ നേരിടും.
ശ്രീലങ്ക ടീം: ചരിത് അസലങ്ക (ക‍്യാപ്റ്റൻ), പാതും നിശങ്ക, കുശാൽ മെൻഡിസ്, കുശാൽ പെരേര, കാമിന്ദു മെൻഡിസ്, കാമിൽ മിഷാര, ദസുൻ ശനക, വനിന്ദു ഹസരങ്ക, ദുനിത് വെല്ലലാഗെ, ചമ്മിക കരുണരത്നെ, മഹീഷ് തീക്ഷണ, ദുഷ്മന്ത ചമീര, ബിനുര ഫെർണാൻഡോ, നുവാൻ തുഷാര, മതീശ പാതിരണന, നുവാനിന്ദു ഫെർണാൻഡോ.
